1 Mo"so wa mo"so qe: agaung: mae ye; jo; ra". Yuiso qe: agaung: mae tarha" dao: phyid' ra".2 Nao wa tarha" macao" ra" mo; myo, nho re tug: yu mung: khomyhao" joe" sho' matarha" ra" khyo" cao" na shi: nae" i"?.3 Myaung sho" ra" yaug we' cug' zo: nau" qere bao" thaug' wa, myid jid' jab: ra" mo, we' vae: moe; qid shab' mo; thao de, mung: dao: phyid' wa,.4 Myaung sho: yaug we' moe, shab' yaug re tarha" macao" ra" mo; lo, mae" khyi: yu ge,.5 Yao: bam pe" re: maba mase" ko" ngaid: ra". Mug: caid' khug mae su" lhang: qin" ko" ra". Mug: myid qao: tae jham wa laui" nain" na veko" ra".6 Naonhaung" wa mo"so ngaid ko" ra". Myhao: thao" ra" Mo"so: yao: zo: qe ngaid ko" ra" ein: ngo mho: ra".7 Ngaid qere: naonhaung" wa byu re" ru: shid mung: getau: zug: qe re" ru: lang" gyoe; gyo" lo" li" genae".8 Mo"so we" myidkin re tarha" dao: phyid' nae" to" li" lo wa,. AsAng wa byumyu" alhab' geim" re qo" sang: ra".