1 Mo"so we" yo yo za: dana: na Mo"so we" phyomho" dao: mabo lo: sae za: dana: jo, byid: la,.2 AsAng: gyevo qe wa lau pau: na veko". Nao re manug nhung: ra" mo, to" ye; li" veko" ra".3 Ni" amyu" re yao: bam juyi khyug' veko" ra". Nao zug: gam: na: ra" mo; akhyo re byin qham: na veko" ra".4 Yao: bam wa , li" geri: Israel amyu" mang khyao: re thao phyao: maba mabeim: lo: na: pye' genae" tau: yao: bam: amyu" re qab: lhaui" pye' gelang: ga: mho ko" ra".5 Yao: bam nhag' myid qhain: taung" phyo" qham mung: nao re tau: lhain" ra" mo; shaid' mae dao:so: to: veko" ra".6 Edom: mang: mae na: ra" Ishamela amyu" Mo"ba' mang: byu , Hagara" mang: byu ,7 Gebala mang: byu , Amnon: , Ameled' amyu" Philisti we' Turu' vogaung: mae" mo, bobo ko" ra".8 Asuri amyu" qere: bomyid vang" ko" ra". Lod' amyu" qe jhao" byin ye: zin: ko" ra".9 Median: we' Kishun: qid yae mae" Sisera we' Yatin: jhaung zug: re kaid' ru we' dakhyo: yao: bam re kaid' wa,.10 Endora' anhae mae yao: bam seim" byaug ko" mung: nung: khyid' bam ru: boe" veko" ra".11 Ngo nhaung" Mo"so: yham jham re yao: yao" tau: lhaid' yu gelang: ga: mho: ko" ra". Oreba' zug: we' Zeba' zug: re" ru:12 Ce bam: khaung mhao: jham rere: , jhaung zug: nau" alhab' geim" re re: kaid' wa,.13 Nga" Mo"so we" la sham" yang ci dao" ra" phaui: lhug re" ru: la hug' mung: bodao" lo" ra" vo, phaui: re" ru: boe" nhao wa,.14 Seyo re byab gyi" nga" re" ru: bam jham jhaid' nga" pyaid' pye' ra" myi: re" ru:,15 Mug: qu la qam" khyo" yang yao: bam re yhin" mung: thin: ra" la qam" we' yao: bam re kyaug' nhin" wa,.16 Mo"so we" yao: bam re qho' phyo' byid: mung: yao: bam wa AsAng: mang khyao: re qho vegeshao:,17 Nhag' lam: thao" ru we' myaung: dug ru phau: vegeshao:. Qho' gyaug phau: mung: seim" gyoe; gyo" vegeshao:.18 Mo"so we" AsAng: mang khyao: za: myidgye, geim" mae myhao: thao" rure yao: bam ba vegeshao:.