1 Yao phung: re" ru: Yoseb amyu" re jhui" lo: ra" yaug we" Israel amyu" re zaung" lhaug' ra" yaug we" tae" gyo: byid: la,.2 Ephrim: amyu" Benyamin: amyu" Manashe: amyu" qhid' kheim: mae phung bao re nhug' peim: mung: ngo nhaung" re khyaid' yu nae" tau: gyo" li" wa,.3 Mo"so we" ngonhaung" re nhag' tang" yu la, ni" myo, nho bo" bao ngo nhaung" re bao byid: la, , ai ru: ngaid lao" ngonhaung" khyaid' khyi: yu: ru qhug' nae".4 Gug: mang: dae gam ug: Mo"so we" nao khomyhao" myao" sho' ni" amyu" qe: mho' yao dao: re nhag' yo" na shi: nae" i"?.5 Yao: bam re ngug byid cinmain" zho: mung: ngug byid qang: myo: sho' shaug' nhao va" ra".6 Avai: ayae mae na: ra" mo, wa ngon- haung" tau: jho" ngag: byo; na ko" ra" gyevo qere: bau" nghao" mung: qi: jung" pye' ko" ra".7 Gug: mang: dae gam: ug: Mo"so we" ngonhaung" re nhag' tang" yu mung: ni" myo, nho: bo" bao ngonhaung" re bao byid: la,. Airu: ngaid: re ngonhaung" khyaid' yu: ru qo" nae" ngaid: ra".8 AsAng wa sabyi' naui re Egutu mang: mae" yu: lo mung: Getau: byumyu" qere khe' thug' pye' mung: qho" yhaug' to: va" ra".9 Ai: jo, qo re nao myo" jhaid' pye' byid: yang: yao: wa agyi: cin" mung: damang: geim" naui: byo: lo" ra".10 Yao" bao qaung wa bam jham re re: akaung jham wa myhao: thao" ra" shaug' gae jham re" ru: nghoe' pye' va".11 Yao" akaung jham wa qid dae mo" joe" sho' re: Anyaug jham wa qid zang gyaung: joe" sho' re: joe" naui: lo" ra".12 Khyo mae su" lai: lo" ra" mo, ai: ashi: re phyo' pye' genae" tau: mae yao" khyae re pe" mung: phyo' pye' i"?.13 Vo, jaung wa ai: agae re baid: lhaui" pye' mung: seyo: zoqhid jham zo: ko" ra".14 Gug: mang: dae gam ug Mo"so we" gyo" li" wa, mug: gaung mae" jin" qu" mung: , ai: sabyi' naui re qu" caung wa,.15 Ni" lo, yo lo; yang qho" to" agae AsAng: tau: nao khyin: yu: ra" akaung re qu" gam caung wa,.16 Ai wa myi: nga" ru we' thau: lhang" pye' ru qhug' ra". Nao qeim: mho" ke' yang: byo, qeim: ru qhug' veko".17 Ni" lo, yo shaid' mae zaung: na: ra" yaug we' ni" tau: nao khyin: yu: ra" byu: yao: zo" dao mae ni" lo, wa ajo; jo, veshao:.18 Airu: kaid' lao" ngonhaung" wa AsAng jhao" mae" naung zaid: mazaid' lo" nae". Ngonhaung" re kao so' daui: na nhao shi: la,. AsAng: mang khyao: re caung: khin" na nae".19 Gug: mang: dae gam ug Mo"so we" ngonhaung" re nhag' tang" yu mung: AsAng: myo, nho bo" bao ngonhaung" re bao byid: la,. Airu: ngaid: re ngonhaung" wa khyaid' yu: ru qo" bam nae" ngaid:.