1 Mo"so we" labug byumyu" qe ni" khyao kham khyao khae: khug khyo vao yang: shaogyang" ra" pa" jhaung: yham re anyain: avho: kaid' mung: Yerusalem: vo re phyo' pye' veko".2 AsAng: jeim qe: mao gaung re mug: le; phyo: mae" ngho' jham AsAng: shao lho" ra" mo; sho: re seyo: zoqhid' jham: zo: nam boe" pye' veko" ra".3 Yao: bam: sa: re re: qid re" ru: Yeru- salem: lhang" gam: mae vhe' khyo" mung: mao shaung nae" byu re: mana ngaid: ra".4 Ngonhaung" wa yham kyo: cao: qe jung" khyoe' jao: , avai: ayae mae na mo, jung" qi mung: qho' phyo' jao: boe" na va".5 Mo"so we" nhag' jo, mayo lo: kho- myhao" joe" sho' nhag' gyid' na nae" i"?. Khomyhao" joe" sho' nhag' yo: magyo" myi: re" ru: laung: nga" na nae" i"?.6 AsAng re maba: ra" getau: byumyu" qe: adao mae re: , ni" mang khyao: re magoe; pa" ko" ra" mang: din" jham: dao mae re: AsAng nhag' yo" ru re vhe' sheim" ke' byid: wa,.7 Yao: bam wa Yaku' amyu" re bin" caid' zo: mung: yao: bam: jo, qo re phyo' sin" pye' veko" ra".8 Phug' pho" qe: qobo ngonhaung" re davhin la,. Ni" nhag' myain" ra" myid we' ngonhaung" re phyaid tug: yu la, ngon- haung" saung" yao: masho: majhin: ru qhug' na va".9 Ngonhaung" re khyaid' yu: ra" Mo"so we" Ni" mang khyao: mathao mae ngo nhaung" re bao" yu la,. Ni" mang khyao: kheim: so' dao mae ngonhaung" re khyi: yu mung: qobo lhoe' byid: la,.10 Yao: bam: Mo"so khai: mae na: ra" i"? ga: labug amyu" qe pe" mung: ta" na ko" i"?. Ni" amyu" qe sheim: pye' ra" sa: mathao mae loge, phaug' nae" akhyo re getau: amyu" qe mae ngonhaung" myo, qao: tae mae de: de: ngaid ve shao:.11 Kyam: lhaung" qhug' ra" mo; kaug' myain" qhu: thoe re tae" gyo: byid: la,. Ni" lo, lam" yang shid ang: ra" mo, re lhaug' zaung" gam: yu la,.12 AsAng we" ngonhaung" yham kyo: cao: qe nao re jung" khyoe' ko" rure yao: bam: qao gao mae nhaid' bun loge, phaug' wa,.13 Aimung: AsAng mae gyo, zo" ra" yao zhain ga" ra" AsAng: byu ngonhaung" wa AsAng re malam: lai: caung: khin" mung: ham" hung: re data mae" data mae na: ye: nae" mo, re ta" kyo: nae".