1 Yuda, mang: mae Mo"so re ba ko" ra". Israel qe mae Mo"so: mang wa qi: qhang: jo; ra".2 Yerusalem: mae pa" seim zaung jo; ra". Ziun: bam mae ab' mung: na: na: ra".3 Ai: jo, qo mae la: myo: go shae ru" ra" gye khe' sin: jham re khyug' mhain" pye' byid' ra".4 Nao wa zoqhid jham na: ra" bam tho' mae je: qi" qhang: ra".5 Qam: gai mung: vae" ra" mo, wa byo; qeim: ru phau: mung: mabeim: maso: yab: myhid' bam ko" ra". Qam: gai mo, yao: yao" lo, re lao" mabeim: lo: ko" ngaid: ra".6 Yaku' amyu" AsAng mho" shid' ru: yang gye lhin" jui: mo, we' myao: jui" ra" mo, wa yab mo" myid' myid' yab: bam veko" ra".7 AsAng dayaug za: mug' pho: ngaid: ra". AsAng nhag' yo" li" au: yao" qhid' kheim: mae khag' qo" ye; jo, genae" i"?.8 Mo"so wa nhag' lam: nyham: khyo" ra" myid kin byu qere khyaid' yu mung:9 Tarha" dao: phyid' nae" tau: to" ye; li" ra" au: tarha" dao: phyid' thoe re mug: gaung mae" nhao: ke' yang: myid gye, wa gyaug mung: sae za: tae" to" ra".10 Gaigai: yao: byu qe nhag' yo" ru wa AsAng re caung: khin" li" genae". Dang: jo, shi" ra" nhag' yo" gyid' ru re phyid' cui: cui" pye' ra".11 Naonhaung" Mo"so re dao: so: to: mung: dao: so: re khyaid' ge,. Lhang" gam: mae na: ra" mo, alhab' wa gyaug phug' gai: ra" Mo"so jhao" jhaung qhu" jham ci: zang" li" geshao:.12 Ai: Mo"so wa jhaung zug: nau" qere deim" khyo" ke' ra". Myidkin: jhaung zug: qe mae gyaug pho: boe" ra".