1 Mo"so we" ngonhaung" wa AsAng re caung: khin" na: bam: wo". Ngonhaung" ni" mang khyao: we' jhao" ru re mug' pho" mau" zo" wa sagso: ngaid mung: AsAng re caung" na: bam va".2 Ayo, akhin: re ngo tu" ka" to: mung: dang main" ra" khyo" tarha" dao: phyid' nae" ga: mho: ra".3 Myid gaung we' myid gaung byu alhab' wa daui lab: ru jo; na mung: mug: myid: khaung zang jham re thaug' qhao: byid: nae".4 Makhyang: mashab: ra" ave, re dacao" ge, ein: makhyang: mo, rere: tarha" macao" mo, re khyug datau: nghao" ge,.5 Naonhaung" khyug re datau: yhe' ge, au: qao dao: dajhau ge, ein: tarha" macao" ra" mo, rere: ngo mho: to: va".6 Ba thug' ba vao qid bang: qid meim kho jo, qo mae" re: jeju maqo" byid:.7 Alhab' re Mo"so sang: ra". Dayaug re deim" khyo" mung: dayaug re tau: yhe' ra".8 Mo"so: lo, mau" keim dakeim ci: ra". Ne: ra" sabyi' qang: bo: ra". Mocid' we' lhag' ra" sabyi' qang: re vhe' khyo" ke' ra". Tarha" macao" mo, alhab' wa phai" byaug sho' jhab' shaug' genae".9 Ngo kam" wa malam: lai: caung: khin" mung: Yaku' amyu" Mo"so re nghaui" myain" nghaui" thoe we' nghaui" caung: nae".10 Tarha" macao" ra" mo; khyug re nag; khyug' pye' nae". Tarha" cao" ra" mo; khyug jham re kam" wa tau: yhe' ru qhug' li" genae".