1 Mo"so we" ngo re khyi: yu la, Mo"so we" ngo re bao" yu nae" tau: mye, mye, zaui: so: byid: la,.2 Ngo re se' lhang" lhang" mo, seim" lo" mung: myo,qho' nonaung mung: lo" vege shao:.3 Ngo re he....he ga: jung" ra" mo, wa yao: bam kaid' ra" qho' phau: gyaug ci" ca"' mau" mathao mae naung zaid: zaid' lo" vegeshao:.4 AsAng re qho: ra" mo, alhab' geim" wa AsAng: khug mae ngaui bau: zhao: yao: na geshao: wo". Khyaid' khyi: yu: jeju re o ngaui: ra" mo, wa Mo"so: phung bao ham" hung: wa qi: qhang: na shao: wo" ga: khon- hae" re: ta" na geshao:.5 Ngo kam" wa masho: majhin moe, shab' na:. Mo"so we" ngo na: ra" khyo phyaid gyo" li" la, AsAng wa ngo re bao" thaug' yaug , khyaid' yu yaug ngaid: ra". Mo"so we" da aug' o" na lo: phyaid li" bao" yu la,.