1 Mo"so we" ngonhaung" re nhag' myain" ru we' min jhaung: byid: la,. Mug: myid: dao mae ni" akhyo re2 Byumyu" cao jab ni" khyaid' yu: khyo re ba: gyo" khae: yu vegeshao:. Ni" myo, nho bo" bao ngonhaung" re bao byid: la,.3 Mo"so we" byumyu" qe AsAng re caung: vegeshao:. Byumyu" cao jab nao re nghaui" caung: vegeshao:4 AsAng wa byumyu" qere dang main" ra" tarha" dao: phyid' byid: mung: myidgaung byu qere gug: gam: yu: ra" mathao mae yao: bam ngaui bau: ngaui lho" zhao: yao taung" caung: vegeshao:.5 Mo"so we" byumyu" qe AsAng re caung: vegeshao: , byumyu" cao jab nao re khin" caung: vegeshao.6 Myidgaung wa qhovo: qhoshi: jham re thug' li" nhao: ra". AsAng ga" ra" ngon- haung" Mo"so wa ngonhaung" re min jhaung: byid' ava".7 Mo"so we" ngonhaung" re min jhaung: byid: shi: nae" ngaid:. Mug: myid xaosu byu alhab' wa Mo"so re gyaug phug' li" genae".