1 Mo"so we" ngo mho' bain" ra" thoe re gyo" yu mung: nga" kao re gyevo qe mae" qu" caung gam: yu la,.2 Makhyang" ra" mo; byin qham phaung mae we' shaid' nghung" mau" kaid' ra" mo; phaung mae" re: ngo re golo gam: yu la,.3 Yao: bam wa yao: yao" sho re shae re" ru: saui" na: ako".4 Dang main: yaug re bag nae" myid: tau: mung:ho" ra" dao: ga" ra" yao: bam: myo: khe' yang thaung: qang: to: veko" ra". Pe" magyaug maci" lo: ajao" yao: bag: ke' ba: ako".5 Magai: ra" mau" re yao: cao: qam: jho" pin" ko" ra". Lha" thaung: khae nae" jho" qham mung: ngonhaung" re khag' the' myao zai mangaid: ga: jho" ta" ako".6 Yao: bam wa magai: ra" mau" kaid' nae" juyi khyug' ko" ra". Jin" jin" ngaid: bam va" zaui" pyang" nae" za: angaid lo". Byu yaug nge; nhag' lam: aung khug mae tau" yaung: ru wa gyai akao" no; ra".7 Yao: bam re Mo"so bag: ke' ra" myo: khe' zao" mung: yao: bam mabeim: maso" ru dae no phau" li" genae".8 Yao: bam: sho yao: bam re tha" lang: nhao mung: the' myao: ra" mo, wa au: nghoe" nghoe" genae".9 Alao" byu alhab' wa gyaug phug' zo" Mo"so: mau" re ta" hau" kyo: mung: yao: kaid' ra" mau" re myid: qu" byid' li" genae".10 Dang main" ra" mo, wa Mo"so mae ngaui bau: mung: khug ngha: li" genae". Nhag' lam: din" ra" mo, alhab' wa bau" nghao" genae".