1 Mug: myid: xaosu byu alhab' Mo"so re zag: yao ge,.2 Yao" mang phung bao re nghaui" caung: ge, yao" myo, nho nga: lao: tau: yhe' na ge,3 AsAng kaid' ra" mau" zo" wa mug' pho" ngaid: ra". Ni" phung bao qam: o" mathao mae gyevo qe wa AsAng re mho' bain" li" genae".4 Mug: myid: xaosu byu alhab' wa nao re goe; pa" mung: nghaui" thoe caung: geshao: wo". Yao" mang khyao: re caung: nghaui" geshao: wo" ein: ta" ge,.5 Li" geri: Mo"so: lo, mau" re qu" qu" ge, xaosu byu re qhu" byid' ra" mau" wa gyaug pho" mau" ngaid: ra".6 Qid dae re taung gaung boe" nhao: ra". Yao: bam ai: qid dae re khyid khyo" nag: lai ko" ra". Ngonhaung" wa Mo"so mae ngaui bau" bam va".7 Yao" phung bao qam: o: we' malam: lai: ug: na: ra". Yao" myo, jid' wa byu qere zhaug' qu" na: ra". Kaung: kag' kang lhang ke' ra" mo, yao: yao" gaung re nga: maqo" yu genae".8 Byumyu" qe we" ngonhaung" Mo"so re nga: yhe' na ge,. AsAng re caung: thoe: yang zag: yao ge,.9 AsAng wa ngonhaung" re daui: na nhao mung: ngo nhaung" khyid re matha" thu: lang: nhao ngaid: ra".10 Mo"so we" ngonhaung" re lag yu: qu" ava". Ngaui re phaid' hab' kyang" yu: re" ru: ngonhaung" re kyang" qu" ava".11 Kyam: khug mae ngonhaung" re khyo" lhaung" ke' mung: ngonhaung" dao kao" mae la" ra" qo vhin: ava".12 Ngonhaung" au: dao mae su re zaung nhao mung: myi: mae , qid mae su" lo" qere: jeju: mathao mae yo yo za: qo" lai: lo" nhao: ava".13 Phaid' ngaui" xeim: li" mung: ni" yham khyo ngo vao ye: nae". Qug: khai: thaung" qhug' ra" ba mae nga" nhaid' phung" mung:14 Nga" nhaid' yang dao: so: to" ru we' dakhyo: ai: dao: so: re ngo cao" pyang" nae".15 Xau: yaung" ra" yao jham re sheim nae pyo" ra" ja: we' ngo nao re caung da" ra" nung: jaung we' yao , caid' re re: ngo ci: li" nae".16 Mo"so re gyaug phug' ra" mo, alhab' we" li" geri: tae" gyo: ge,, nga" Solo re Mo"so khoru: kaid' rure ngo ca: kyo: nae".17 Ngo wa Mo"so re nhaid' yang zag: yao mung: phung bao re sho: yang caung: khin" ra" dao: ta" nae".18 Nga" nhag' myid khug mae shaid' nghung" ru bo: ngaid: re ai: AsAng wa tae" gyo: byid: nae" mangaid:.19 Ana" kam" wa Mo"so tae" gyo: byid' ra". Ngo jhaung: mho' ra" thoe re xam" yu: ava".20 Nga" jhaung: mho' dao: re malham: ha: pye' ngaid: ra". Yao" jeju maqab: yu: ra" mathao Mo"so wa nga: lho" veshao: wo".