1 Mo"so we" ngo mho' yao thoe re gyo: byid: la,. Ngo jhaung: xe: mho' dao: re tae" gyo: byid: la,.2 Ngo nhag' ngai zo" re" mug: myid athao" mae" AsAng re zag: yao: na:. Nga" tho' mae myhao: ra" laung: mo" baui dao khyo ngo re jhui" dai" la,.3 AsAng wa nga" khug ngha jao:, gyevo qe: qhid' kheim: gang" tang: ra" zho: cang yham ngaid: ra".4 Seim zaung mae malam: lai: na: na nae". Daung fo' nghoe' gam: ra" jao: mae khug: na nae".5 AsAng we" ngo ta" ra" dao: so: re gyo" yu wa,. Ni" mang khyao: re phug' myao: mo; Ma dai kham ngo re byid: la,.6 Jhaung zug' kao ba na ayo, re qhang qhang to: byid: la,. Zin qug: abang mabyid lo: thain" madaui malam: lai: gang" tang: na veshao:.7 Yao: wa Mo"so: myo, qao: tau mae malam: lai: na: na veshao:. Yao: caung gam nae" jeju we' dao: so: re to" to: wa,.8 Ai ru: lao" ni" mang khyao: re ngo kao thao" lo" sho' caung: nghaui" na nae". Ne, khao: ne, ngo" dao: so: re cao" pyang" na nae".