1 Nga" solo wa Mo"so: qhid' kheim: mae myain yo za: ngaid: na:. Yao: mae" mung: ngo re khyaid' yu: khyo thug' li" ra".2 Mo"so wa nga" laung: mo" baui , ngo re khyaid' yu nae" khug ngha jao: ngaid mung: ngo daui lab: qin" nae" khyo myo: sho' mabo.3 Naonhaung" wa khomyhao" joe" sho' byu dayaug re lhau: phyo' genae" i"?. Yao: re qeim" gyoe; jo; ra" khin" qae we' kae" jo; ra" vokham" re" ru: jho mung: naonhaung" alhab' wa kho myhao" joe" sho' phyo' qheim" khyo" na genae" i"?.4 Ai: yaug re nga: lho" jo, qo mae" lao" khyo" pye' nae" tau" yaung: na ko" ra". Yao: bam wa nhang: myain" nhang: thoe re o ngaui ko" ra".Nhaid' dao: thoe wa min byid: mung: aung khug: nhag' myid mae nhang: myain" nhang: thoe mung ko" ra".5 Nga" solo we" Mo"so mae yaug yo za: na wa, yao: jhao" mae" nhag' myid: nghae" jao: joe" li" nae".6 Mo"so za: nga" laung: mo" baui , nga" khyaid' yu: khyo ngo khug ngha qo ngaid mung: ngo wa qui" lab; qin" nae" ma ngaid:.7 Nga" khyaid' yu: ra" khyo we' nga" myo, nho nga: lao: wa Mo"so mae ngaid: ra". Ngo re qam: byid' ra" laung: mo" baui we' ngo khug ngha qo wa Mo"so ngaid: ra".8 Byu qe we" Mo"so re malam: lai: khug ngha: na ge,. Nao nhaung" myid: to" ru re yao" qhid' kheim: mae phung" qhu" ge, Mo"so wa ngonhaung" khug ngha jao: ngaid: ra".9 Gaigai: ga" re xaosu byu alhab' wa aseim akeim za: ngaid: ra". Myo, nho nga: lao: qo" ra" zug: qere: mhug' mo, za: ngaid ko" ra". Yao: bam re jao mae lag: qu" re la tho' je: seim" ra".10 Lhaid' zo: lhaid' shaug' mau" re da ngha ge, maqaid maqui" cao" lhaid' yu mung: nga: dayu ge,. Ni" jo, nho" myo" laug: li" lao" ai mae damyid: ngha11 Mo"so wa dalhang mung dao: byid: va". Shid' lhang ein: lhang ngo the' gyo" ke' ru wa kheim: so' qam: o: wa Mo"so mae bo: ra".12 Mo"so we" AsAng nhag' myain" ru we' byang" vin" ra". AsAng wa byu yaug nge, re yao: yao" ave, we' daru: za: so' ha" we' qobo re byid' ra".