1 Mo"so we" AsAng wa ngonhaung" re nhag' gyid' yang: shelhaui" pye' mung: khyi" khao: ngo" khyo phyo' sin" ke' ra". Ngonhaung" re dalhang kao daui nhao shi: la,.2 Myid gaung re lhaui" nhain" mung: go; sin" lo" nhao va" ra". Go; gyae" lo" rure dam: lao" zham: yu byid: la,.3 Ni" amyu" qere qug: khai: thaung" qhug' nhao mung: yid: ra" sabyi' qang: shaug' nhao va" ra".4 Dang main" ra" mathao mae tau: to' nae" khyi wa nao re gyaug phug' ra".Nao byid' ke' ava".5 Jhid' de; ra" mo, re yaug yo nhao nae" khyo: nga" dao: re tae" gyo: mung: ni" lo, yo lo; yang khyaid' khyi: yu la,.6 Mo"so wa yao" shaogyang" ru we' ta" kyo" ru wa ngo ngaui bau: nae".She kheim vo; re phyo' sin" pye' nae". Su khug' lao: khaung: re ka" qu" nae".7 Gilaid we'Manashe" wa nga" re" ngaid: ra". Ephrim: vo wa nga" au: maug go , Yuda wa nga" jhaung zug' zaung: bao" ngaid: ra".8 Mo"ba wa nga" khyid cid' ug' ngaid: ra". Edom: mae nga" khyid zhaung: ngo pye' kai" to: nae".Philisti mang: mae nga" tau: mau" zag: yao se,.9 Ai: gang" tang: vomae" ngo re khoyaug caung: khin" genae" i"?. Edom: khyo ngo re khoyaug jhui" vao ye: genae" i"? ga: mho: ra".10 Mo"so we" nao ngonhaung" re shepye' venhaung ma ngaid: i"?. Mo"so we" ngo nhaung" mo, mo" thaui: we' daga" mabo: nhaung mangaid: i"?.11 Qug: khai" ra" jao: mae" ngonhaung" re bao" yu la, byu qe bao" thaug' ru wa aje amyid ngaid: ra".12 Mo"so: kheim: so' khyo" yang ngon- haung" vae" vae" za: zaui: so: nae". Yao: wa ngo nhaung" gyevo jham re zab: jheim" pye' li" nae".