1 Byu xaosu qe we" naonhaung" gaigai: yao: dang main" ra" dao: jhau veko" i"?. Byu qere tarha" din" ra" khyo" dao: phyid' byid' na ko" i"?.2 Gai gai: yao: naonhaung" nhag' myid mae magai: ru za: myid: yaung: na ko" i"?. Mug: myid dao mae naonhaung" lo, mae" se' da: be, khyaid' kaid' ru re myid: phyid' jao lag: qu" na veko" i"?.3 Tarha" macao" mo, wa myhi" aung mae" yao: makhyang" nhag' myid bo ko" ra". Khau: ra" ba mae" yao: khyo nghung: mung: mhug' vhain" ra" dao: za: ba: ta" ako".4 Yao: bam: daug wa lhao maui daug we' dau: ra".Yao" no: khye' re jhid' pye' mung: no: magyo" ra" maui bab; re"ru: ngaid ko" ra".5 Maui bab; wa yao" no: khye' re jhid' to: mung: juyi bo: lhao maui mhai" yaug: dao: re matae" gyo" rure ba ko" ra".6 Mo"so we" yao: bam: nhaid' mae" zaui re nag: khyug' pye' wa,. Mo"so we" lo:tin: zaui thaung: rere: nag: khyug' pye' byid: wa,.7 Ai bam yug: lo" ra" qid re" ru: byaug: lo" vege shao:. La: thaung: re myo: khe' gyug' ruru: ngaid: byaug vegeshao:.8 Yao: bam wa su" lo" zo" byaug: byaug: ra" nhobe, re" ru: , no shaid' shaid' pye' ra" zoshao re" ru: ngaid geshao: wo".9 Zau: gae thao" yang maid: ra" myi: ug' malaung shi: re , hin ngaid qere: nyo, va" ru ngaid qere: , la qam" yang ci: dao" lo" li" nae".10 Dang main" ra" mo, wa qobo byu qe re dae byid' ru re the' myao lao" ngaui bau: genae".11 Tarha" macao" ra" mo; sa: tham: mae yao: yao" khyid jham re cid' li" genae".12 Su pe" yang re: dang main: mo, wa so' ha" re dang dang qo" khae: yu genae". Mug: myid dao mae tarha" dao: phyid' ra" Mo"so gaigai: yao: ana nhaung ga: byu jham khae: yu: ta" li" genae".