1 Mo"so we" ni" mang khyao" yang nga" ye, mung: tarha" pyam" byid: la,. Ni" qam: so' yang ngo re lhoe' yu la,.2 Mo"so we" ngo jhaung: mho' ra" thoe re gyo: byid: la, Nga" dao: thoe jham re tae" gyo" yu byid: la,.3 Gemang: gedin" byu qe wa nga" gyevo qe: thao de, veko" ra".Byu nghang: qe wa nga" kao re kung" na ko" ra". Mo"so rere: pe" shui manho ko" ngaid: ra".4 Qu" ge, Mo"so wa ngo re bao" thaug' yaug ngaid: AsAng wa nga" kao khyi mo, mae bobo: ra".5 Nga" gyevo qere magai: ra" loge, phaug' li" nae". Dao: so: jo; ru we' dakhyo: yao: bam re qab; lhaui" pye' wa,.6 Ngo ngaui bau: taung" xeim: qhaug' byid: nae". Nao wa gai shab yaug ngaid mung: ngo jeju beim: so" na nae".7 Ngo re qug: khai: kyin" nhaung" alhab' geim" mae" nao ngo re xoe: lhoe' yu mung: nga" gyevo jham seim" lo" ko" rure nga" myo; yang the' myao yang: qam: qo" ra".