1 Qam: mo" bo: ra" byu we" nao su pe" so' ha" pe" mung: phyo' qheim" nug mung: nga: yu: na: i"?. Mo"so: nhag' myain" jeju wa gyag maqhui: ngaid: ra".2 Ni" nhaid' sho wa tho' ra" shae re" ru: mhug' sham" mung: su geje: so' ha" re phyo' qheim" ba: ra".3 Nao wa agai tho' mae magai: rure , dang main" ra" tho' mae magai: ra" dao: re je: o ngaui: ra".4 Mhug' sham" ba: ra" nhaid' sho we" nao wa byo; qeim: ra" dao: jham mae" ru za: o ngaui: ra".5 Gai gai: yao: Mo"so wa nao kho nhae" re: phyo' qheim" pye' na: li" nae". Ni" yham mae" she: thug' ke' mung: kao daui: na: ra" mo; akhug mae" yu: pye' li" nae".6 Dang main" ra" mo, ai re myao lao" gyaug: nin" genae". Yao: bam wa nao re qi: pye' li" genae".7 Mo"so re ma khug ngha lo: yao: yao" jo, nho" mae ngha mung: magai: ra" mau" re au: am" na: ra" yaug re qu" ge, ga: ta" li" genae".8 Ngo kam" wa Mo"so: yham mae nyug lao qam" ra" Zhainlun: gae re" ru: boe" mung: Mo"so: nhag' myain" jeju re kho- nhae" re: akhug ngha: na nae".9 Mo"so kaid' va" ra" mau" mathao mae ngo wa khonhae" re: nao re beim: so: na nae". Ni" shao lho" ra" byu qe: qhid' kheim: mae ni" mang khyao: re myid: nghae" lao" na nae".