1 Kopyaid' wa Mo"so mana ga: yao" nhag' mae ata" na: ra". Yao: bam wa qeim" zae" lo" mung: qobo mau" re kaid' ba: ako". Gai: ra" mau" re kaid' ru dayaug lao" mabo ngaid ko" ra".2 Juyi laba lajhao bo yaug na: i"? Mo"so re qho su mana i"? , Mo"so re ba nae" tau: Mo"so wa mug: gaung mae" xaosu byu qere gam" goe; qu" mung: ,3 Byu alhab' wa naung zaid: zaid' lo" veko". Yao: bam alhab' wa daga" za: qeim" ze" lo" veko" ra". Gai: ra" ave, bo: ra" byu mana , dayaug lao" re: mana ngaid: ra".4 Nga" byumyu" qere cinmain" re" ru zo: mung: Mo"so re maba: caung: khin" ko". Makhyang: mashab mo, wa maba ma beim: lo: na genhaung i"?.5 Gyaug: din nae" majo, ngaid qere : yao: bam gyai din: gyaug: ba: ako". Khoru: ein: re ni" avai: ayae mae ham: na ko" ra" gyevo jham: shoqug: re Mo"so wa abyi asin: kaid' pye' mung: Mo"so yao: bam re shepye' to" ra" mathao nao wa yao: bam re qho' phyo' ca" nae".6 Israel amyu" re khyaid' yu nae" jeju wa Ziun: bam dao mae thug' li" veshao:. Sham" pyaung" lo" ra" byumyu" re dalhang Mo"so dam: jhui" lo" ra" au: Yaku' wa ngaui bau" ru , Israel wa zhao: yao: ru qhug' li" genae".