1 Ngonhaung" AsAng wa qi: qhang ra" yaug ngaid mung: yao" shao gyang" ra" vomo" re caung: khin: nae" main: qi" ra".2 Mug: myid dagye, geim" zhao: yao nae" Ziun: bam yaung" lho" ra". Qid meim shaid' mae qi" thao" ra" jhaung zug' vogaung: jo; ra".3 Ni" vogaung: khug yae mae" yham yo jham wa Mo"so mae khug ngha ko" rure ba: ra".4 Jhaung zug: qe ham phaung mung: su" lai: lo" ko" ra".5 Yao: bam ai re the' myao lao" din: gyaug mung: tao" phao: lo" ko" ra".6 Ai mae yao: bam gyaug: din: ru we' zo: khau no no: ra" myiqe: re" ru: no phau: ko" ra".7 Tashu' lha re deim" khyoe' pye' ra" Ba thug' la re" ru: boe" ko" ra".8 Gug: mang: dae gam ug Mo"so: vo gaung: ngo nhaung" Mo"so: vomo" mae ngonhaung" the' gyo" qu" ra" ru we' dakhyo: ngonhaung" myo; yang the' myao va". Mo"so wa ai: vogaung: re zhaug' tang: to: va" ra".9 AsAng Mo"so we" ngonhaung" wa ni" pa" jhaung: yham khug mae nhag' myain" rure beim: so" na: bam: wo".10 Mo"so we" ni" mang khyao: wa mug: myid dagye, geim" ngae: lo" ru re: ni" ham" hung: ngae: byi: lo" ra". Ni" lo,yo wa dang main: jab byang" ra".11 Ni" tarha" dao: phyid' ra" mathao: yang Ziun: bam ngaui bau" na mung: Yuda zomyi: zo: qe ngaui bau: qi sam: su veko".12 Zo: myid: qere ba: ta" zhao: kyo: nae" tau: Ziun: vomo" lhang" gam: mae" gye byu gai" jham re nghe' qug: qu" ge,.13 Thao: ta mae" mo, re ba: ta" kyo: vege- shao: vo kham" jo, qo re xam" to: mung: yham mo" yham ngai jham re myid: qu" gese,.14 Khoru: ein: re gug: mang: dae gam ug: Mo"so ngaid: ra". Shid: ra" ayo, akhin: joe" sho' ngonhaung" re qu" gam caung: na yaug ngaid: ra".