1 Byumyu" cao jab lo, pyo' pyo' na ge, Mo"so re aung myaug: thoe we' zag: yao ge,.2 Khoru: ein: re gyaug pho" ra" AsAng myid dagye, geim" re ug: na: ra" jhaung zug: ngaid: ra".3 Byu damo, zhain re ngonhaung" agyid' mae byumyu" qere ngonhaung" khyid qao: mae deim" zag: khyo" to: byid' ra".4 Yao: jhid' de; Yaku' phung bao nga: lho" khyo, ngonhaung" khyao kham khyao khae: boe" nae" nyhang" jaung: to: va" ra".5 Mo"so wa hug' yao thoe we' doe; lo nae" labo" maid thoe we' Mo"so do, lo" byaug va".6 Mo"so re khin" mung: nghaui" thoe nghaui" ge, ngonhaung" jhaung zug: re caung: khin" mung: caung: nghaui" thoe we' caung: ge, nghaui" thoe we' caung: ge,.7 Mo"so wa mug: myid dagye, geim" re ug: ra" jhaung zug: ngaid: ra". Caung: nghaui" caung: thoe we' caung: ge,.8 Mo"so byumyu" qere ug: na: ra".Mo"so shaogyang" ra" yao" la kin dao mae zaung: na: jo; ra".9 Byumyu" qe: au: she mo, wa Abraham lam khug: ra" Mo"so: byumyu" qe jhao" ham phaung ko" ra".Khoru: ein: re myid gaung: kheim: so' re Mo"so sang: ra". Yao: wa gekai: lai baug thug' yaug ngaid: ra".