1 Mo"so wa ngonhaung" khug ngha jao: we' qam: o: ngaid: ra". Qug: khai: thaung" qhug' ra" ba mae bao" yu nae" jin" jin" ngaid: ra".2 Aimung: mug: myid qui" lai" lo" mung: qid dae mae" bam jham laui" nain" na ngaid qere: ngonhaung" magyaug maci" ca".3 Bang: lhung" to" lo yang vung vung ga: myang mung: bam jham laui" nain" na qere: ngonhaung" gyaug ci" maca".4 Qid mo" lao we' qid zo: gyaung: wa Mo"so: vomo" we' myhao: thao" ra" Mo"so: shaogyang" ra" yham re nhag' dag nhao: ra".5 Mo"so wa ai: vomo" mae thain" madaui na: na gau ngaid mung: ai: vomo" wa laui: lab ga" ru majo, Mo"so wa no' no' mae" yao: re bao" yu: li" nae".6 Byumyu" qe wa phai shi phai khao: boe" na veko". Mang: din" jham daui lab: na veko". Yao" thoe ke' ke' mung: myid gaung aqang: boe" lo" va".7 Gug: mang: din gam ug Mo"so wa ngonhaung" we' daga" na: ra". Yaku' amyu" Mo"so wa ngonhaung" khug ngha jao: ngaid: ra".8 Li" geri: Mo"so: mau" re li" qu" ge, Mo"so wa myid gaung gye, geim" sham" jhaid' pye' ava".9 Mug: myid gye, geim" mae" gye mau" re tam" kyo" pye' ra". La: myo: re nag: khyug' pye' mung: lhae re atam" adau kaid' pye' ra". Mang: khe' lhin" jham re ngha" pye' ra".10 Yaug yo za: na ge,, Ngo wa Mo"so ngaid: ru re xam" ci ge, byumyu" jham mae ham" hung: qi" qhang: na nae".11 Gug: mang: dae gam ug Mo"so wa ngonhaung" we' daga" na: na: ra". Yaku' Mo"so wa ngonhaung" khug ngha jao: ngaid: ra".