1 AsAng Mo"so we" nga" mau" zo" mae tarha" dao: phyid' byid: la, nhag' maba: myain" ra" byumyu" qe: khug mae" nga" mau" re bao" kin: yu la, dao: so: mazaung makhyang: mo; lo, mae" ngo re khyaid' lhoe' yu la,.2 AsAng wa nga" khug ngha jao: Mo"so ngaid: ra". Ngo re pe" mung: shepye' to" i"?. Gyevo qe pyam" yhin" to" mathao mae pe" mung: kaug' qhui qhug' yaug ru: su" qin" ca" nae" i"?.3 Bo" bao we' dao: so: re nhao: ke' byid: la, ai jham wa khyo jhui: yang: shaogyang" ra" bam dao khyo re: , pa" seim zaung khyo re: , jhui" dai" veshao:.4 Airu: kaid' lao" Mo"so: xeim: phain khyo re: ngo ngaui bau: nae" Mo"so jhao" re: ngo joe" ye: mung: AsAng re tang: she be, mung: caung: nghaui" caung: khin" na nae".5 Nga" solo we" nao pe" mung: nhag' ngai: na: i"?. Nga" akhug mae yaug mayo pe" mung: boe" na: i"?. Mo"so re myid: nghae" lao" na wa, ngo re khyaid' yu: ra" AsAng , ngo khug ngha: ra" Mo"so: jeju re ngo caung: khin" nga: yhe' na nae".