1 Nga" nhaid' sho: yang majhau mata" shaid' veshao: nga" akhyo re ngo lha" na: ru ngaid:. Tarha" macao" ra" mo, nga" avai: ayae mae na: na ko" au: nga" nhaid' sho: yang pe" mata" thug' nae" ein: mho va".2 Ngo wa dao: dakheim: re: majhau ago ru: na: na va". Gai: ru lao" pe" ma jhau lo: sae za: tae" na: jo; ra" au: nhag' ngai: ru ru: ga" ra".3 Nga" aung khug nhag' lam: laung: na: kyi: ngo je: myid: qu" lao" je: myi: nga" lo: ruru: ga" lo: ra". Aimung: ngo dao: jhau: thug' va".4 Mo"so we" nga" kao lo" thao" mae" we' nga" ba na ayo, khomyhao" ngaid nae" rure ba: to: nug: ra" ta" kyo: la,.5 Nga" kao rere: danhug kho za: to" to: byid: ra". Nga" suna wa ni" qhid' kheim: mae pe" mangaid: ngaid: ra". Gai gai: yao: byu wa byu: azhao" mae joe" qere: aje amyid aseim akeim za: ngaid: ra".6 Gai gai: ga" re byu wa bao qaung mae za: asu" lhang: qin" ra". Gai gai: yao: byu wa pe" mangaid' ru za: myaung" pye' ako". Jo, nho" re qho: qaung" to: ngaid qere: khag' qo" yu nae" rure maqo" ba ngaid: ra".7 Ana" kam" wa AsAng we" pe" nam re myid: nghae" na nae" laug i"?. AsAng re za: myid: nghae" lao" na nae" akhyo za: ajo; ra".8 Shaid' nghung" ra" qobo mae" ngo re lhoe' yu la, makhyang: mo; jung" khyoe' rure daphau: nhao la,.9 AsAng khyo" yang qu" nyhang" kin byid' na: ru mung: ngo pe" ta" nae" akhyo mabo lo mung: ngo nhaid' maho" dam: majhau lo: .10 Ngo re qobo dae dabyid: shi: la, ni" lo; yang mho" shid' nhau" na: gu: ngo ngang" lo: kyi: va".11 Yug: no qobo: mathao mae byu re qeim mung: dae byid: nae" ngaid: re , Yao" phung bao re nhug: yang zo" khyao: pye' ra" mai bau: ru: kaid' pye' ra". Gai gai: yao: byu alhab' wa aseim akeim za: ngaid ko"ra".12 Mo"so we" ngo jhaung: mho' dao: re gyo: byid: la, ngo hug' yao: thoe re tae" gyo" yu byid: la, nga" nhag' myid re qu" mung: dana byid: la,. Phug' pho" qe mae boe" lai: lo veko" ru we' dakhyo: ngo ni" qhid' kheim: mae bang" vo za: angaid:.13 Ngo maqui" lai: lo" shi" au: , mabyaug: baui" lo" shi: re yo yo za: qo" na veshao: ngo re nhag' myain" yu shi: la,.