1 Mo"so re gyaug phug' ca". Qobo wa tarha" macao" ra" yaug re nga" aung khug nhag' myid mae Mo"so: qhid' kheim: pe" gyaug nae" cang majo, ga: mho: ra".2 Yao" qobo re mathe' myao maca' lo: ga: yao" gaung re saung" ngaid beim: mung: yao" gaung re shab geim kaid' ba: ra".3 Yao: jhau: ke' ra" dao: wa deim" jab lao" jhao: mhug' sham" dao: za: ngaid: ra".Gai: ra" ave, re cao" nae" juyi re shelhaui" pye' ava".4 Yab jao: mae magai: ra" tau" da yaung: to: ba: ra". Magai: ra" khyo dang khyo malam: lai: cao" na mung: ma ngaid makhung" ave, re maba: ca' ngaid: ra".5 AsAng we" ni" nhag' myain: nhag' khyag' ru wa mug: gaung khyo re: , dao: so: dang jhaug' ru wa jham thaui: mae myhi: khe' ra".6 Ni" dang main" ru wa myhao: ra" bam jin jham we' dau: ra". Dao: phyid' ra" ru re: gyai no; ra" lase" bo: ra". AsAng we" byu we' gug' nyhug' gug' du: jham re nao qu" gam caung: na: ra".7 Mo"so we" ni" nhag' myain" ru wa khoqhi" qu" ngaui pyo: zai ngaid: ra" i"?. Aimung: byu qe wa ni" daungfo' qab khug mae khug ngha: na: bam ko" ra".8 Ni" yham khug mae yaug yo taung" na mung: AsAng: myain yo: ra" qid shaug' nae" akhang" byid' to" ra".9 Pe" mung: ein: re AsAng mae kao so' qid baug: jo; ra". Ni" bo" bao khug mae" ngonhaung" mug: bo" qo" the' myao: yu va".10 Nao re ba se" ra" mo; tau: ni" nhag' myain" ra" jeju nhag' myid din" ra" mo; tau: mae dang main" ru re lhaui" tang: to: byid' ra".11 Ngaid beim" ra" khyid , wa ngo re mazao" thaung: veshao:. Makhyang" ra" mo; lo; yang ngo re madeim" qhui: vege- shao:.12 Qobo kaid' ra" mo, wa ai: jo, qo mae tha" thu: lang" bam veko". Yao: bam deim" lhang" ru qhug' mung: maqo" to" lo: ko" ngaid: ra".