1 AsAng we" ngo nao re caung: khin" nae". Nga" kao so' re khyi: khyaid' yu: ra". Nga" gyevo qere aung doe, nae" akhang" mabyid: ngaid: ra".2 Nga" AsAng Mo"so we" ngo nao re mho' yao mung: AsAng wa nga" no dae re gai yo byid' ra".3 Mo"so we" AsAng wa nga" solo re movo: mug: mae" she: lhoe' yu byid: va". Mang: khung: khyo makhyo" ke' lo: nga" kao re khyaid' yu byid: va".4 Mo"so: shao lho" mo, we" yao: re caung: khin" caung: nghaui" ge, wo". Shao- gyang" ra" mang khyao: re caung: khin" ge, wo".5 Yao" nhag' yo" ru dazab daso' za: ngaid: ra".Yao" jeju kam" wa apyaid ato gang" tang: ra". Myi" mae nhag' kaug' myo, yug: ru thug' ngaid qere: ne, seim lao" nghaui" thoe nghaui" nae" akhang" qo" ra".6 Ngo wa khonhae" re: daui lab: qin" ca" nae" mangaid: ein: na gai qao" zin" au: lhaung" jho: qu" va". Ni" myo, khung: lhang: phaug' lo" lao" kam" wa qug: khai" ra" khyo joe" ra".7 Mo"so we" jeju khyo" yang nga" bam jham re lhaui" tang: to: byid: va". Ni" myo, khung: lhang: phaung' lo" lao" kam" wa qug: khai" ra" khyo joe" ra".8 Mo"so we" nga" kao so' gain: thao" mung: ,9 Mang: khung: khyo gyo" lo" ngaid: re pe" so' ha" ba: qo" nae" i"?.Myid zhai: phaui" lhug wa AsAng re caung: khin" nae" i"?. Ni" dao: so: re qhu" byid: genae" i"?.10 Mo"so we" tae" gyo: mung: nhag' myain" yu la, Mo"so we" ngo re bao" thaug' yu la, wo".11 Ngo kaug' qhui: rure qo" go" nhain" ru: yang tha" pye' byid' ra". Nga" jid: mo" mai bau: re khyaid' khyo" pye' mung: ngaui bau: ngaui lho" ru we' ngo re phyid' cui: cui: byid' ra".12 Airu: mung: nga" solo wa sae za: mana AsAng re nghaui" thoe: yang caung" na nae". Mo"so we" ni" jeju so' ha" re ngo pyaid da du caung" na nae" wo".