1 AsAng re zag: yao: na: nga" laung: mo" baui we" matau: lo: dana byid: la,. Nao sae za: na: ngaid: re mang: khung: vao lo" yaug ru: ngo boe" nae" ngaid: ra".2 Ngo wa shaogyang" ra" lo, khug khyo lo, qang: ke' yang: mho' yao: ra" au: ngo mho' ra" thoe re tae" gyo" yu byid: la,.3 Yham kyo: cao" so' ha" re phyo' qheim" nug: ra" nhag' myid bo: ru we' no: gyo: yo taung" dao: ba: jhau yaug ein nae" makhy- ang" ra" mau" zaui: mo, we' ngo re daga" dazham" la,.4 Yao: bam: ave, magai: ru we' dakhyo: yao: bam re qobo dae byid: wa, yao: bam: lo, mau" zo" we' daru: za: qobo dao: phyid' byid: wa,.5 Yao: bam wa Mo"so: mau" rere: , yao" lo; yang kaid' ra" mau" zo" rere: pe" shui manho ko" ngaid: ra". Yao: bam re phyo' qheim" pye' nae". Gang" tang nhao nae" ma ngaid:.6 Mo"so wa nga: lho" na veshao: wo".7 Ngo mho' yao: thoe re gyo: byid' ava". Mo"so wa nga" qam: o: nga" go ngaid: ra".Nga" nhag' myid wa Mo"so mae ngha mung: ngo re qu" gam: ra" mathao mae nga" nhag' myid wa zhao: yao: ra".Nghaui" thoe we' phung bao re caung: khin" nae".8 Mo"so wa yao" byu jham: qam: o: bun ngaid: ra". Yao: mae xau gyain: khae: yu: ra" yaug khyaid' yu: khyo re zhaug' tang byid' ra".9 Ni" amyu" qere khyaid' khyi: yu wa, ni" khyao kham khyao khae: yao: bam re min gam byid: wa,. Yao: bam re lhaug' zaung" caung gam mung: apyaid ato mae tau: yhe' nha: to: veshao: wo".