1 Mo"so: zo: dau qe we" AsAng: phung qab bao qi" ra" ein: khae: yu ge,.2 Mo"so: mang khyao: wa kheim: so' qi" ra" ein: khae: yu zo" shao lho" ra" akhyung re shaung ve; ci mung: Mo"so re goe; pa" na ge,3 Mo"so: thoe wa qid dae mo" dao mae jo; ra". Phung bao qi" ra" Mo"so wa mug: dam: thoe ke' ke' ra". Mo"so wa qid zang gyaung: dao mae na: na: ra".4 Mo"so: thoe wa kheim: so' we' byang" ra". Mo"so: dao: thoe wa phung bao qam: o: ham" hung: qi" ra".5 Mo"so: dao: thoe wa shaug' gae jham qo" gyug' main" nhao: ra". Gai gai: yao: Mo"so: dao: thoe Lebanon: seyo: shaug' gae jham re khyug' khyo" pye' ra".6 Yo qao" yo re nung: jaung nau" ru: , Lebanon: seyo we' Sidon: din" re Dam:bug: nau" xao geim qo" tau" nhao: ra".7 Mo"so: thoe wa myi: shae ru: zin: sin" lo" ra".8 Mo"so: thoe wa bam nyug lao phyo: jham re qo" nhin" ra". Mo"so wa Kadesha yo qao" yo re qo" lhaui" nhain" ke' ra".9 Mo"so: thoe wa lacid layo: jham re qo" khau myhung: ke' ra". Seyo: azai: akho jham re qo" sham" sho' pye' ra". Pa" jhaung: yham mae alhab' bam: wa yao" phung qab bao re qhu" byid: ge,.10 Mo"so wa qid je: la qam" dao mae zaung: na: jo; ra". Gai gai: yao: Mo"so wa apyaid ato: jhaung zug: ru: zaung: na: jo; ra".11 Mo"so wa yao" byu jham re na tang , ye, tang byid' li" nae". Mo"so wa yao" byu jham re yaug yo myain cae" ra" min byid' li" nae".