1 AsAng wa mug: myid we' ai: mae jo; gu: na: gu: alhab' rere: mug: myid: azung we' xaosu byu qere re: yao: sang: ra".2 Khoru: ein: re mug: myid re qid dae mo" dao mae kai" to: mung: qid dae dao mae tang koe, sho' kaid' to" ra".3 Mo"so: bam dao khyo khoyaug qo" do, genae"?. Shaogyang" jo, qo mae khoyaug qo" ye, genae" i"? ein: re ,4 Shao lho" ra" lo, we' nhag' lam: phyu yaug mhug' dao: vhain" dao: majhau yaug madang main" jham tang: makai: yaug wa,5 Ai: yaug wa Mo"so mae" min thaung: we' yao: re khyaid' yu: ra" Mo"so mae" dang main" ra" tarha" re the' yu: li" nae".6 Ai: yaug wa Mo"so re qho: ra" amyu", yao" myo, nho nga: lao: re qho: ra" Yaku' amyu" ngaid: ra".7 Phung bao kheim: so' qi" ra" jhaung zug: vao li" shao:. Vomo" kham: dung: jham we" yao: yao" gaung re tau: yhe' ge,.8 Phung bao kheim: so' qi" ra" jhaung zug: wa khag' ngaid: ra" i"?. Qam: mo" bo: ra" Mo"so: gye khe' nae" kheim: so' qi" ra"9 Mo"so ngaid: ra". – Phung bao kheim: so' qi" ra" jhaung zug: vao li" shao:. Vomo" kham: dung: kham: baung re myhao: to' ke' ge,. Geco' ne, mae" kham: jham we" myhao myhao to' to: ge,.10 Phung bao kheim: so' qi" ra" jhaung zug: wa khoyaug ngaid: na: i"?. gug: mang: dae gam gug: Mo"so ngaid: ra". Ai: Mo"so wa phung bao kheim: so' qi" ra" jhaung zug: ngaid: ra".