1 AsAng wa nga" yao lhaug' zaung" yaug ngaid: ra". Ngo pe" re: mamyid: ci" ca".2 Nyug lao qam" ra" gyo, zo: jao: mae ngo re ab' na nhao mung: yaug yo: ra" qid yae khyo jhui" ye" ra".3 Yao: wa nga" solo re qam: pyang" byid: mung: yao" mang khyao" tau: dang main" ra" khyo dang mae she: vhao" ngaug: yu: ava".4 AsAng wa ngo we' daga" na: na: ru mung: shid zug' lao: khaung: mae su" lo" qere: qug: khai: re ngo magyaug ca". Pe" mung: ein: re ni" zaung: bao" we' lhae daung: wa ngo re gug: gam byid' ra".5 Nga" gyevo jham: qhid' kheim: mae zo: shaug' gai" nyhang" to: byid' ra". Nga" au: mae xau vhe' gyain: byid' ra". Nga" shaug' keim re: abyang" sheim: na: ra".6 Dang dang yao: ngo kao daui: na: ra" dalo: gyo: mae jeju we' nhag' myain" rure dapyaid geim" the' khae: yu mung: Mo"so: yham mae malam: lai: qo" the' na: li" nae".