1 AsAng wa qug: khai: thaung" qhug' ra" ba mae nao re dao: tau: byid: veshao:. Yaku' AsAng Mo"so: mang khyao: wa nao re tau: to' veshao: wo".2 Shaogyang" ra" yham khug mae" nao re bao" yu nae" nhao: ke' veshao:. Ziun: bam dao mae" nao re bao" thaug' na veshao: wo".3 AsAng: caung da" xeim: alhab' re myid: beim: mung: ngha" hab' nghaui" xeim: re khae: yu veshao: wo".4 Ni" nhag' myid mae bo: ru we' dakhyo: byid: gae mung: myid: yaung tau" da: to" gu: alhab' re poe" byid: veshao: wo".5 Mo"so khyaid' yu: ra" khyo re ngo nhaung" ngaui bau: mung: Mo"so: mang khyao: we' ngonhaung" khyi re qo" tau: yhe' nae" ngaid:. Nao mho' ra" gu: alhab' re AsAng poe" byid: veshao:.6 Mo"so wa yao: xau gyain: byid' yaug re khyaid' yu: na: rure ana" ngo ba va". Yao" lo, yo lo; yang zaui: so" ra" mau" re shaog- yang" ra" mug: gaung: dao mae" tae" gyo: tau: byid' ra".7 Daqhae: wa myao: lhin" re , daqhae: wa myao: re nga: yu ko" ra".Ngonhaung" kam" wa ngonhaung" Mo"so: mang khyao: re caung: khin" li" genae".8 Yao: bam wa tha" thu: lang: mung: lang" gyoe; lo" li" genae".Ngonhaung" kam" wa ngonhaung" Mo"so: mang khyao: qo" ye; tang: na nae". Mo"so we" jhaung zug: re khyaid' khyi: yu wa,9 Ngonhaung" khai: yao: ke' ra" ba mae tae" gyo" yu byid: la,.