1 AsAng we' tarha" vao: ra" shaid' mae na mung: ngo zag: yao: ra" thoe re xam" yu byid: la,. Mamhug' mavhain" ra" nhaid' yang mho' yao: ra" jhaung: xe: mho' dao: gyo" yu byid: la,.2 Ngo re dao: phyid' nae" thoe nao mae" thug' li" lo shao:. Dang main" ra" khyo re the' myao byid: la,.3 AsAng wa nga" nhag' myid ca: lag: qu" ava". Myi" mae nao ngo re li" kam" ca: qu" re ngo mae pe" qobo rere: mathe' myao ngaid: ra". Ngo myid: tau" da: ra" rure nhaid' yang ta" ru we' daru: za: ngaid: ra".4 Byu qe zaui" ra" maui" zo" wa ni" mungdao: we' phai shai" ra". Ngo kam" wa magai: ra" mau" re jao" lha" pye' va".5 Ni" khyo dang mae su" lo" au: matha" lang: nae" tau: bao" thaug' yu la,.6 AsAng wa tae" gyo" yu ba yaug ngaid mung: ngo mho' yao: ra" thoe re no: khae khae yang: gyo" yu byid: la,.7 Ni" lo, yo lo; yang tau: lhain" ra" mo; lo, mae" lam khug lam" jang" mo, re khyaid' yu: ra" yaug we" ni" mug' pho" mau" re ci: qhu" byid: la,.8 Ngo re pyam" yhin" ko" ra" tarha" macao" mo; lo, mae" re: , nga" kao re lhang" kham" lo ko" gyevo: qe: lo, mae" re:9 Myo, jid' voxao re gug: gam: ru re" ru: Ni" daung fo' yang nghoe' to: byid: la,.10 Yao: bam wa nhag' khyag' myid mabo mung: ngaid beim: bau" nghao" ra" dao: za: ata" na ko" ra".11 Ngonhaung" su" ye" lo" nae" khyo dang re ana" lhang" kham" to: veko". Ngon- haung" re myid gaung khyo khyo" zhaung: pye' mau" za: yaung: na ko" ra".12 Yao: wa sho: zo: nug: ra" Lo:tin: we' gug' na: jo, qo mae vho' na: ra" Lo:tin: nau" we' dau: ra".13 Mo"so we" to" li" lo byid: la, yao: bam re lham: tam" mung: khyo" zhaung: pye' wa, makhyang: mashab: ra" mo; lo, mae" nga" kao so' re khyaid' lhoe' yu la,.14 Mo"so we" myidkin byu we' ce: ta mae za: nyaug xo' nae" qo" ra" mo; mau" ngo re lhoe' yu la, yao: bam re jo, nho" dai kham byang" jab byid' ava". Yao: bam: zo: myid: qe mae joe" sho' jo, nho" qaung" to: veko" ra".15 Ngo kam" wa dang main" ru we' ni" myo, khung: re myao nae". Yab so: to" li" ra" au: ni" gaung khyao re myao lao" nhag' shid nhag' dag nae" ngaid:.