1 Go yaug wa Mo"so mana ga: yao" nhag' myid khug mae ata" na: ra". Yao: bam wa qeim" zae" lo" mung: anyain: avho: na: na: ako". Gai: ra" mau" kaid' ru dayaug lao" mana.2 Ba: gyo" se" byu AsAng re qho: ra" byu na: laug , mana: laug ga: Mo"so wa mug: gaung mae" byu qere gam" qu" na: ra".3 Byu alhab' wa khyo nghung: nghung" lo" veko". Yao: bam daga" yain" lo" mung: kho yaug re: gai: ra" mau" makaid' ko" ngaid: ra".4 Mangaid makhung" mau" re kaid' ru we' nga" amyu" qere cinmain" re" ru: bin" gyid zo: mung: Mo"so re maba: mho' yao ko". Alhab' geim" wa pe" re: maba genhaung i?.5 Airu: mung: gyai yao: gyaug: nin" byaug genae". Pe" mung: ein: re Mo"so wa dang main: mo; bo: de; ra".6 Dang main" ra" yaug wa AsAng mae khug ngha: na: ra" mathao mae nao nhaung" wa yao" tau" da re qho' phyo' nug ko" ra".7 Israel qere khyaid' yu: ra" jeju wa Ziun: bam dao mae" thug' li" veshao:. Sham" pyaung" tai: lo" ra" byu qere dam: jhui" phao: lo" ra" au: Yaku aung myaug mung: Israel qe re: ngaui baui: zhao: yao: ru qo" genae".