1 Mo"so we" seim zaung mae khag' qo" na genae" i"?. Shaogyang" bam dao mae kho yaug qo" na nae" i"? ein: re2 Dang main" ra" ave, cao" pyang" ca" ra" mau" re kaid' na mung: dao: so: to" rure nhag' kao" vao" taung" za:3 Su: nga: gyoe, dao: jhau: ru yao: we' tin" yaug re jung" khyoe' ru yao" sang: tin: qe gaui: ru jham re jao" lha" na yaug4 Makhyang" ra" yaug re byu qeim ga: myid: pye' mung: AsAng re gyaug phug' ra" yaug re phug' myao" ru yham sang: so' ha" seim" qere: nhang: kheim: make' lo: dao: so: re makhyo" lo: ,5 Gau pai: mayu lo: ngaui jhid' shai byid' ru , qobo maqo" yaug re dao: phyid' nae" tau: khug vag: mayu zo: , ceru: kaid' cao" na yaug wa abang mabyid gug: gam za: qo" na: li" nae".