1 Ngo wa Mo"so re thoe mo" ke' mung: zag: yao: na:. Nga" nhaid' thoe: yang Mo"so re mho' yao: na:.2 Yao" qhid' kheim: mae kaug' myain" qhui: thoe boe" mung mung: nga" aqug: aqae" re ta" kyo: va".3 Ngo nhag' lam: byo; na: au: ngo ye" lo" nae" gau: khyo re AsAng ba: ra". Ngo ye" lo" ra" khyo dang mae vo"taui: nyham" khae: to: ko" ra".4 Lo, yo shaid' khyo ngo qu" ke' au: ngo ba se" byu dayaug re: mana. Qo" phao: loe, nae" khyo re jhid' to: ko" ra". Nga" kao re o: byid ru mana ko".5 Mo"so we" AsAng re zag: yao: na: , kao daui: na mo; jo, qo mae AsAng wa ngo khug ngha qo , ngo na myain jao: ngaid: ra".6 Ngo masho: majhin saung" phau" na mung: ngo mho' yao thoe re gyo" xam" yu byid: la,. Ngo re yhin" pyam" ra" mo; lo, mae" khyaid' khyi: yu la, yao: bam wa ngo tho' qam: je: bo ko" ra".7 AsAng: mang khyao: re caung: khin" nae" tau: kyam: mae" phoe' thug' yu la, Ai re" ru: AsAng ngo re jeju kaid' ra" mathao mae dang main" ra" mo, wa ngo re lhang" gam: yang: na: li" genae".