1 Nga" solo we" Mo"so re caung: khin" wa,.2 Ngo kao daui: na: ra" dalo: gyo: mae Mo"so re caung: khin" nae". Ngo kao qo" daui: na: ra" ayo, akhin: geim" mae Mo"so re nghaui" thoe we' nghaui" caung" na nae".3 Pe" re: maqo" bao" ra" zug: qe we' byu xaosu qe re dakhug ngha ge,.4 Yao: wa so' she: thao" lao" myid gaung khyo dam: lo" ra". Ai: ba mae yao: , yao" tau" da byo; lo" ra".5 Yaku' Mo"so bao" thaug' ra" yaug , yao: yao" Mo"so re myid: nghae" lao" na yaug wa nga: lho" ra".6 Ai: Mo"so wa mug: gaung myidgaung qid dae mo" we' daga" khyi" khao: ngo" mae jo; ra". Ja: nam jab re phain: to" ra". Dao: so: re malam: lai: cao" pyang" ra".7 Pyam" yhin" qhug' ra" mo, re tarha" dao: phyid' byid' ra". Vae: moe; qid shab' ra" mo, re zho: jhaug' ra". Kyam: laung" ra" mo, re phoe' thug' ke' ra".8 Mo"so wa myo, jid mo, re myo, myao nhao: ra". Mo"so wa nyham: gyo" na: ra" mo, re tau: to' ra". Mo"so wa dang main" ra" mo, re jhid' de; ra".9 Mo"so wa bang" vo qere bao" thaug' mung: cug' mo" we' cug' zo: qere bao" thaug' yu: ra". Tarha" macao" ra" mo; khyo dang re kam" wa lhau: nhaug' pye' byid' ra".10 Ziun: vomo" we" ni" AsAng ngaid: ra" Mo"so wa malam: lai: mug: myid aqae: qae: ug: na veshao: wo". Haleluya.