1 Mug: gaung: dao mae" Mo"so re caung: khin" ge, mug: le; phyo: mae caung: khin" ge,.2 Mug: lhaug' logyo: jham Mo"so re caung: khin" ge, Mug: gaung: ajham ataung qe we" Mo"so re caung: khin" ge,.3 Ba re: lho" re: Mo"so re caung: ge, bao: ra" kyi jham we" Mo"so re caung: khin" ge,.4 Mug: gaung apyae pyae we' mug: gaung mae" qid jham we" caung: khin" ge, wo".5 Ai jham re phyomho" dao: we' phain: to" ra" mathao Mo"so: mang khyao: re caung: khin" ge,6 Ai jham wa malam: lai: agang" tang: jo, mung: mabyo; qeim nae" jo, qao: ngaid: ra".7 Myid gaung mae jo; ra" zai yo , ngo: qi: jham no; thao" ra" jo, qo jham8 Myi: , lagqu , gyu: we' angaui" jham amyin" dao: re tae" gyo" ra" la qam"9 Bam zang bam zo: alhab' ashi: zaui" ra" agae shaug' gae alhab'10 Myang kha: zoqhid alhab' yoe" qin" ra" gug' nyhug' alhab' we' dao" qin" ra" ngho' mae" dadu ,11 Myidkin: jhaung zug: qe we' mang: din" ye alhab' zug: qe wa tarha" agyi alhab'12 Zolau: we' zomyi: jham , mao: zo: we' zoshao jham we" Mo"so re caung: khin" ge, wo".13 Yao" mangkhyao dalam: za: phug' de, mung: phungbao wa myidgaung we' mug: gaung: adao mae jo, mung: Mo"so: mang khyao: re caung: khin" geshao:.14 Yao" byumyu" khyug re tau: yhe' yang: ajhao" mae na: ra" byu zhain Israel amyu" ga" ra" yao" shao lho" mo, alhab' mo, caung: khin" jao: ngaid: ra". Haleluya