1 Mo"so we" AsAng re zag: yao: na:. Phyaid gyo" li" ri:. AsAng re khai yao: ke' re nga" thoe re tae" gyo: byid: la,.2 Nga" jhaung: mho' thoe wa ni" qhid' kheim: mae pyo" ra" ja: re"ru: , nga" lo, yheim" qang: ru wa myi" thao zo" mae caung da" xeim: ru"ru ngaid shao:.3 Mo"so we" nga" nhaid' re ba: lha" nhao la, nga" nhaid' qid kham: dung: re lhaug' na byid: la,.4 Nga" nhag' myid magai: ra" mae makaid' shao:. Pe" mangaid' ra" mau" kaid' ra" mo, we' daga" tarha" macao" ra" mau" ngo mabo: kaid' shao:. Yao: bam: zo: shaug' re ngo mabo: zo: shao:.5 Dang main" yaug wa ngo re be, shao:, ai wa juyi qo" nae". Ngo re mho" shid' shao: ai wa nga" au: mae gyaid: ra" au: xau boe" nae". Dam: paug' ngaid qere: ngo maha nae". Ngo wa su pe" makhyang" ra" mau" atha" jhaung: mho' na:.6 Yao: bam: zug: ade, qere laug pyo' mae ke' khyo" ke' na: au: nga" dao: dang: rure ba genae".7 Thao: tam" re baug: kho' sin" ke' re" ru: movo: mug: kham: dung: mae ngon- haung" shoqug: jham re shepye' sin" to" li" genae".8 AsAng Mo"so we" AsAng re nghao" qu" na: , AsAng mae khug ngha: na: , nga" kao so' re dako: khyo" pye' byid: la,.9 Nga" tau: mae khae: to: ko" ra" mo; taui: kheim" mae" re: , qobo kaid' ra" mo; taui: mae" re , lhoe' ke' la,.10 Ngo wa gyao: gyao: za: lai: lo"mung: yao: bam alhab' wa yao: yao" taui: mae myi" vegeshao:.