1 Mo"so we" AsAng re nga" nhag' myid alhab' we' caung: khin" nae". Getau: mo"so jham: qhid' kheim: mae AsAng re nghaui" myain" nghaui" thoe we' nghaui" caung: nae".2 Shaogyang" ra" pa" jhaung: yham khyo myo, khung: qang goe; pa" nae". Ni" jeju we' dao: so" mathao mae ni" mang re caung: nae". Khoru: ein: re nao wa ni" mungdao: re ni" mangkhyao" dao nga: yhe'to" ava".3 Ngo mho' yao: ra" ba mae tae" gyo: byid: mung: nhag' myid solo khug mae qam: o: ke' byid: yang: ngo re gang" tang nhao: ra".4 Ngo re na tang nhao va". Mo"so we" myidkin: jhaung zug: qe mungdao: re the' gyo: mung: AsAng: ham" hung: re caung: khin" li" genae".5 Mo"so: khyodang mae cao" mung: nghaui" caung" li" genae". Khoru: ein: re Mo"so: phung bao kheim: so' qi" ra".6 Mo"so wa myhao: thao" ngaid qere: nhag' lam: nyham: khyo" mo, re gug: gam: ra". Ngaid beim" ra"mo, re kam" wa va: va: mae" ba: ra".7 Ngo qug: khai" ru mae su" lhau ngaid qere: AsAng wa ngo re daui: na nhao: li" nae". Ngo re gye kaid' ra" mo, nhag' yo" rure ni" lo, yheim" qang: ke' mung: ni" lo,yo lo; yang ngo re khyaid' yu: li" nae".8 Mo"so wa nga" akhyo re nyhang" byid' li" nae". Mo"so we" ni" jeju wa data we' data mae gang" tang: jo, mung: AsAng: lo, mau" zo" re dato" pye'.