1 Babilon: qid yae mae ngonhaung" zaung: na bam mung: Ziun: vomo" re myid: beim: so: yang: kaug' myain" qhui: thoe mung: na: bam:.2 Ai: jo, qo mae yaug: ra" Jam gae mae ngo nhaung" tang: jham re lhao" to: va".3 Khoru: ga" re ai: jo, qo mae ngon- haung" re yhin" ra" mo, nghaui" thoe mho' ko" ra". Ziun: nghaui" thoe re ngon- haung" re nghaui" kyo: gela,. Ngaui bau: zhao: yao nghaui" re ngonhaung" re mho' ko" ra".4 Labug: mang: mae Mo"so: nghaui" thoe re ngonhaung" khoru:gai: nghaui" nae" i"?.5 Yerusalam: we" ngo nao re to" myhid' pye' ngaid qere: nga" lo, yo lo, ngo re to" myhid' veshao:.6 Nao re ngo mamyid: beim: mung: Yerusalem: re nga" ngaui bau: jao: khyo" mato: ngaid: re wa nga" sho o mae de; lo" byaug shao:.7 Mo"so we" Yerusalem: bana ayo, joe" lo: au: vokham" re qao: tae joe" sho' phyo' pye' ge, phyo' pye' ge, ga: mho ko" ra" Edom: amyu" re myid: beim: wa,.8 Phyo' qheim" ba: ra" Babilon: zomyi: zo: we" nao ngonhaung" re kaid' ru we' dakhyo: nao re loge, phaug' nae" yaug wa nga: lho" ra".9 Ni" zonau" jham re taung" yu mung: laug baui dao mae deim" thaung" se' ra" yaug nga: lho" ra".