1 Mo"so wa gai: ra" mathao yao: re caung: khin" ge,. Yao" jeju wa data mae" data mae gang" tang: ra".2 Yuiso qe: tho' mae" AsAng re caung: khin" ge, yao" jeju wa data mae" data mae gang" tang: ra".3 AsAng qe: AsAng re caung: khin" ge, yao" jeju wa data mae" data mae gang" tang:"ra".4 Yao: dayaug za: mug' pho: aqi: kaid' ra" yaug re caung: khin" ge, yao" jeju wa data mae" data mae gang" tang: ra".5 Juyi wa mug: gaung re phain: ra" yaug re caung: ge, yao" jeju wa data mae" data mae gang" tang: ra".6 Qid dao mae myidgaung re lao" myhung" to" ra" yaug re caung: khin" ge,. Yao" jeju wa data mae" data mae gang" tang: ra".7 Bo" bao qi: re phain: ra" yaug re caung: khin" ge, yao" jeju wa data mae" data mae gang" tang: ra".8 Na" re ug nae" tau: ba re poe" ke' ra". Yao" jeju wa data mae" data mae gang" tang: ra".9 Myi" re ug nae" tau: lho" we' kyi jham re poe" ke' ra". Yao" jeju wa data mae" data mae gang" tang: ra".10 Egutu mang: mae" zoqhid' qere se' ra" yaug re caung: khin" ge,. Yao" jeju wa data mae" data mae gang" tang: ra".11 Qam: mo" bo: ra" lo, yheim" to" ra" lo, lam" yang yao: bam re jhui" lo va". Yao" jeju wa data mae" data mae gang" tang: ra".12 Israel amyu" re Egutu mang: byu: lo, mae" jhui" thug' lo: ra". Yao" jeju wa data mae" data mae gang" tang: ra".13 Qid ne tham: re kho' sin" pye' ra" yaug re caung: khin" ge,. Yao" jeju wa data mae" data mae gang" tang: ra".14 Qid ne tham: agaung: khyo" Israel amyu" re jhui" lai: phyid' lo: ra". Yao" jeju wa data mae" data mae gang" tang: ra".15 Pharaoh we' yao" mo, mo" thaui: re qid ne tham: mae deim" nhab' pye' ra". Yao" jeju wa data mae" data mae gang" tang: ra".16 Seyo segae: khyo" yao" amyu" re jhui" lo: ra" yaug re caung: khin" ge,. Yao" jeju wa data mae" data mae gang" tang: ra".17 Jhaung zug: aqi: jham re se' pye' ra" yaug re caung: khin" ge,. Yao" jeju wa data mae" data mae gang" tang: ra".18 Phung bao kheim: so' qi" ra" jhaung zug: qere se' pye' yaug re caung: khin" ge,. Yao" jeju wa data mae" data mae gang" tang: ra".19 Yao: wa Amori jhaung zug: shihon: re se' pye' ra". Yao" jeju wa data mae" data mae gang" tang: ra".20 Bashain: jhaung zug: Oga' re se' pye' ra".Yao" jeju wa data mae" data mae gang" tang: ra".21 Yao: bam: mug: myid re yao: byid' pye' ra". Yao" jeju wa data mae" data mae gang" tang: ra".22 Ai: mug: myid re yao" amyu" Israel qe: khyao kham khyao khae: ma boe" nhao: ra". Yao" jeju wa data mae" data mae gang" tang: ra".23 Ngonhaung" nyham: gyo" na: ru re yao: myid: beim" ra". Yao" jeju wa data mae" data mae gang" tang: ra".24 Ngonhaung" re gyevo: lo, mae" khyaid' khyi: yu va". Yao" jeju wa data mae" data mae gang" tang: ra".25 Daui mae: daui alhab' geim" re yao: wa zo: nam byid: zho" ra". Yao" jeju wa data mae" data mae gang" tang: ra".26 Mug: gaung: dao mae" Mo"so re caung: khin" caung: nghaui" ge, yao" jeju wa data mae" data mae gang" tang: ra".