1 Mo"so: mang khyao: re caung: khin" ge,. Mo"so: yham mae caung da" na ge,.2 Ngonhaung" AsAng Mo"so: yham vang" khug mae mau" vin: ra" jeim qe we" Mo"so re caung: khin" ge, wo".3 Mo"so wa gai lho" ra" mathao mae Mo"so re caung: khin" ge,. Mo"so: mang khyao: nghaui" thoe we' caung: ge, ai ru" ra"mau" wa gai lho" ra".4 Khoru: ein: re Mo"so wa Yaku' amyu" re yao" tau: khyin: yu mung: Israel amyu" wa yao" khyao kham khyao khae: ngaid:ra".5 Mo"so wa qi" qhang: ru , ngonhaung" AsAng Mo"so wa gyevo alhab' tho' mae je: qi" ru re ngo ba: ra".6 Mo"so wa mug: gaung myid gaung , qid dao no; thao" ra" jo, qo jham mae yao: kaid' nug: khyo: qo" kaid' ra" kheim: so'qo" ra".7 Mug: myid athao" mae" nhag' qhid' re to" lo nhao: ra". Jham thaui: we' daga" lhe' caid' re phain: ra". Jo, nho" jhi khug mae" la re phoe' thug' ke' ra".8 Egutu' mang: mae byu mae" re gug' nyhug' jham joe" sho' zo: qhid' we' au: khaui: qhid' jham re se' pye' ra".9 Egutu mang: we" ni" akhug mae Pharaoh mae" ru yao" jeim alhab' dao mae ve, lho we' mug' pho: mau" zaui" qhu" va" ra".10 Amori byu qe: jhaung zug: shihon: Bashain: jhaung zug: Oga: re se' pye' va" ra".11 Yao: byumyu" qi: myo: sho' qam: bo: ra" jhaung zug: qere se' pye' va".12 Yao: bam: mug: myid re khyao kham khyao khae: boe" veshao: ga: yao" amyu" Israel re byid' to: va".13 Mo"so we" AsAng: mang wa malam: lai: ngaid: ra". Yaung" lho" mang khyao: wa mug: khothao" myid khothao" gang" tang: jo; ra".14 Mo"so wa yao" byu qe: tau: naung myid qo" mung:, yao" byu qe: bo: de, mung: tarha" dao: phyid' ra".15 Labug: amyu" qe lam khug: ra" sulho jham wa ngaui re: ngaid: ra" hhang re: ngaid: ra". Byu: lo; yang kaid' to" ru ngaid: ra".16 Ai: sulho jham nhaid' de, ngaid qere: maba: jhau myo, de, qere: mamyao , no: khye' de, qere: magyo: ko".17 Yao: bam: nhaid' mae" re: so' mashe genae" i"?.18 Aire kaid' ra" mo, we' lam khug: ra" mo, wa daru" ru za: ngaid genhaung i"?.19 Israel amyu" qe we" Mo"so re nga: yhe' ge, wo". Arun" kaung bao: we" Mo"so re nga: yhe' ge, wo".20 Levi' boe: bao: we" Mo"so re nga: yhe' byid: ge, Mo"so re gyaug phug' ra" mo, we" Mo"so re nga: yhe' byid: ge, wo".21 Yerusalem: mae vao: ab' ra" Mo"so wa Ziun: bam dao mae nga: lho" na veshao: wo". Haleluya