1 Mo"so we" nga" nhag' myid wa zang: zaug: na: AsAng re nghaui" thoe: yang caung: khin" nae" nga" solo we" beim" to" lo wa,.2 Nga" pag' tang: we' she tang: we" beim" to" lo ge, ngo re: no' no' to" nae".3 Mo"so we" su: amyu" mae ngo nao re caung: khin" nae". Byumyu" qe: phaung mae ngo nao re tang: thoe: yang caung: nae".4 Khoru: ein: re ni" nhag' myain" jeju wa mug' nyug lasung" myhi: ra". Ni" dao: so: wa jham phyu thaui: re myhi sho' ngaid: ra".5 Mo"so wa mug: gaung tho' mae je: myhao: ra". Myid gye, geim" mae ni" phung qab bao bao: na shao:.6 Nao re jhid' kao: ra" mo, yaug yo nae" khyo: nga" dao: thoe re tae" gyo: mung: lo, yo lo; yang khyaid' yu la,.7 Mo"so wa yao" shaogyang" ru we' ta" kyo" ru wa, ngo ngaui bau: nae". Shekh- in: re ngo kho' sin" pye' nae". Sukug' lao: geim: re ngo ka" qu" nae".8 Giled' we' Manashe: wa ngo sang: ru ngaid:. Ephrim: wa nga" maug bain , Yuda, wa nga" jhaung zug' ham phaung jao: ngaid: ra".9 Mo"ba' wa nga" khyid cid' thaung: lhao: ngaid: ra". Edom: wa nga" khyid nao: jao: toe' mung: Philisti mang: re aung: pye' mung: zag: hug' nae".10 Vokham" gang" ra" vo khyo ngo re khoyaug jhui" vao genae" i"?.Edom: khyo ngo re khoyaug jhui" vao genae" i"?.11 Mo"so we" gai gai: yao: shepye' to: va" i"?. AsAng wa ngonhaung" mo, thaui: we' daga" gye khaid' mathug' ye: lo: nae" i"?.12 Qug: khai: mae" loe, sho' bao" yu la, byu qe wa maqo" bao" thaug' ko" ngaid: ra".13 Mo"so khyo" yang za: aung doe, nae". Yao: wa ngonhaung" gyevo qere zab: nhaug' pye' nae" ngaid: ra".