1 Ngo wa nhag' lam: din" ra" mo, phaung mae re: volo byu qe: phaung mae re: nga" nhag' myid lam: maug we' Mo"so: phung bao re caung: khin" nae".2 Mo"so: mau" wa gyai qi" qhang: ra". Ai: mau" re kao bau: ra" mo, alhab' wa ai: mau" re cao" ca: ako".3 Yao" mau" wa myo, nho nga: lao: we' phung bao ngaid: ra". Dang main" ra" tarha" re: malam: lai: ngaid: ra".4 AsAng wa yao" mug' pho: mau" re mato" myhid' nae" tau: so: xam: to" to" ra". Mo"so wa jeju kaid' nae" nhag' myid nhag' khyag' shogu: myid we' byang" vin" ra".5 Yao: re gyaug phug' myao" ra" mo, re zo: nae" shaug' pho: byid' ra". Yao" dao: thang" re khonhae" re: myid: beim" ra".6 Su: byumyu" qe: khyao kham khyao khae: re yao" amyu" re byid' pye' ra" khyo" yang yao" mau" zo" qam: o: yao: bam re qhu" byid' ava".7 Yao" lo, mau" zo" wa dao: so: we' dang main" ru ngaid: ra". Dang main" ra" yao" khang" dao: alhab' wa lam: lang" ra".8 Dao: so: we' dang main" ru wa ma lam: lai: gang" tang: jo; ra".9 Yao" amyu" qe mae khyaid' yu: khyo re phung" byid' ra". Yao" dao: so: wa malam: lai: gang" tang: ra". Yao" mang khyao: yaung" lho" ru we' gyaug pho: ngaid: ra".10 Mo"so re gyaug phug' ra" nhag' myid wa juyi: apain aqao: ngaid: ra". Ai: gu: re cao" ra" mo, wa au: naug: solo du: mo, ngaid: ra". Yao" phung bao ham" hung: malam: lai: gang" tang: jo, shao: wo".