1 Nga" AsAng Mo"so mho: ru wa ni" gyevo qe re ni" khyid nao: jao: ngo kaid' nae" ba na joe" sho' nga" lo, yo shaid' mae zaung: na: jo, shi: wa, ga: mho: ra".2 Mo"so wa nao ug nae" lhae daung: re Ziun: bam mae" byid' ke' li" nae". AsAng wa gyevo qe: agaung: mae ug: na: li" nae".3 Nao mang: zin" ra" bana mae ni" amyu" qe alhab' wa shao lho" ru shaung yhaung" ci mung: cao nug: li" genae". Ne, seim mae" nghin coe: re" ru: ni" zolau: jham nao jhao" joe" li" genae".4 Mo"so jham kai: yang: mho: ru wa nao wa Melikhizedeg' re"ru: malam: lai: khin jaung ngaid mung: thao dalhang nhag' lam: malai: lo: nae".5 Ni" lo, yo shaid' mae na: ra" AsAng wa yao: nhag' yo" ra" bana mae jhaung zug: qe re dae byid' li" nae".6 Nga" AsAng wa getau: byumyu" qere dao: phyid' yang: mang: khaid' jao: mae sushid mao byang" jo; bam: ra". Myidkin: jhaung zug qere be; khyoe' zao: to" li" nae".7 Yao: wa khyo dang nhae mae yug: ra" qid shaug' mung: yao" au: re tau: nghao" ci nae".