1 Shu-a: amyu" Bildaid' dam: mho: ru wa-2 Nao khomyhao" joe" sho' ceru: ta" nae" i"? Ni" nhaid' mae" thug' ra" dao: wa la qam" ru: myang: hau" ra".3 Mo"so wa matarha" ra" khyo" tarha" pyam" nae" i"? Qam: mo" bo: ra" Gug: mang: dae gam ug: Mo"so wa dang main" ra" khyo re zai" qheim" nae" i"?4 Ni" zo: dau qe wa Mo"so re shaid' nghung: yang: yao: bam re yao: bam yao" qobo mae qab: pye' ngaid qere:-5 Nao wa Mo"so mathang mano: cao" qho mung: gug: mang: dae gam ug: Mo"so re mho' bain: zo" re"-6 Shao lho" ru we' vin tang" ra" nhag' myid bo: ngaid re gai gai: yao: ni" tau: to" ye, mung: ni" dang main" ra" jo, qo re na gai dai lhug nhao: li" nae".7 Nao wa aqhid mae ngai ngaid qere: lo" thao" mae qi: qhang: gang" tang8 nae". – Geco' ne; mae" akhyo re myid: ca: qu" mung: qhid' phyao: mae" nhag' bo ade, qe re myid' ca: yu nae" qam: ke'9 wa, . – Ngonhaung" wa aye: nhe' qhid' ne, mae" mo, ngaid mung: pe" maba. Mug: myid: dao mae ngonhaung" na: ra" ayo, abang: wa bao qaung shao shao10 ngaid: ra". – Geco' ne; mae" mo, she, nao re mho" shid' mung: yao: yao" aung khug nhag' lam: mae" dao: kheim: phoe' thug'11 qhu" li" genae". – Tham: nheim" majo, re je jid: gae gai: yaug nae" i"? Qid yae mae" mhin: zo: laung la wa qid maqo" ru12 gai: qi" qhang: li" nae" i"? – Ai: agae wa nyug lao qam" jo; ru re mayaid: pye' ngaid qere: getau: mhin: zo: alhab' mae sao13 qhid' jhoe' nyhug' lo" li" nae". – Mo"so re to" myhid' pye' ra" mo, alhab' wa ai re" ru: seim: lo" genae". Makhyang" ra" yaug myid: nghae" ra" khyo byo; qeim: lo" li"14 nae". – Ai: yaug myid: nghae" ra" khyo dang wa daung" lo" byaug nae". Yao" khug ngha jo, qo wa phyo gao: yham boe" lo"15 li" nae". – Ai: yaug wa yao" yham re khug ngha qe re: gang: tang nae" mangaid: . Ai re zhaug' tang ngaid qere: tang nae"16 mangaid: . – Yao: wa ba zho yo mae nyug lao qam" jo; ru we' yao" anyaug jham yao"17 khyae mae taid' nau" jo, ko" ra". – Yao" agyi: jham wa laug baui mae lao" khao" ci mung: laug baui yham re yao: zhaug' qu" na: ra".18 Yao: re phyo' mhain" pye' re yao" jo, qo wa ngo nao re mamyao: qu" ga: yao:19 re lham: ha: pye' li" nae". – Ai: yaug ngaui bau: nae" akhyo wa ai re" ru: ngaid mung: yao" jo, qo myid mae getau: byu20 qe bo yaug: li" genae". – Mo"so wa lam: lang" ra" yaug re shepye' nae" mangaid: . Tarha" maci: ra" mo, re kam" wa mabao"21 mathaug' ngaid: ra". – Yao: wa ni" nhaid' mae" qi nug nae" akhang" , zhao: yao taung" ta" nae" akhang" byid re byid' li"22 nae". – Nao re manug makhyaid' kaid' ra" mo, wa qho' pho" yang nghoe' gam: lo" li" nae". Tarha" maci: ra" mo; jo, qo wa gain: thao" lo" li" nae" ga: mho: ra".