1
Uza: mang: mae Yoba' ga: mang: ra" byu dayaug na: ra". Ai: yaug wa dang main: dang: byang" ra". Mo"so re re: gyaug phug' ra". Magai: ra" ave, re jao" pye' yaug ngaid:2
ra". – Yao: wa zo: dau yaug gai zo: nhaid'3
yaug , myiqe: zo: sam yaug qo" ra". – Yao" jo, nho" dai kham wa yao nhaid' taung , ma dae myao: sam taung , nung: jaung azam" ngo" yo , myao: mo" ngo" yo , o: kaung matho' nghe' lo: sho' qo" mung: ai: yaug wa ba thug' shaid' byu alhab' mae je: qi" qhang: yaug ngaid: ra".4
Yoba' yao: zo: yaug gai nau" qe wa zin qug: yao: yao" co' phyid' ba na poe lhaung" kaid' ko" ru mae nhae: mo" sam yaug re re: khai mung: daga" lhaung" zo:5
lhaung" shaug' ko" ra". – Ai: poe bin: baui: thao Yoba' wa yao: bam re khai: yu mung: shao kyang" nhao yang: ne, seim no' no' to" mung: yao: tao ho' nge, sho' tau: phaid' ngaui" xeim: caung da" da" kaid' ra". Nga" zo: jham shaid' nghung: mung: nhag' myid khug mae Mo"so re shepye' veko" laug ga: Yoba' myid qhug' yang: aire" ru: khyao za: kaid' na: ra".6
Ana" Mo"so: zo: dau qe wa yao: yao" gaung re AsAng Mo"so we' yena: qhu" nae" ba na joe" au: satain: re: yao bam we'7
daga" bocao: ye" ra". – Alao" AsAng Mo"so re: nao khai: khyo khyo" li" lo: i"? ga: satain: re myid re satain: wa myid gaung dao: khyi" khao: ngo" lae" lhang: qin" ru8
mae" joe" li" lo: ga: tau" ra". – Ailao" AsAng Mo"so re: Nga" jeim Yoba' re myao: xam" to: va" i"? Myid gye; dao mae yao: we' dau ru dayaug re: mana. Dang main: jab byang" ra". Mo"so re gyaug phug' yaug , magai: ra" ave, asam" re jao" yaug ngaid: ga: satain:9
re mho: ra". – Alao" satain: re: Yoba' wa AsAng Mo"so re aseim akeim za: gyaug phug' na: mangaid: i"?10
AsAng wa yao: we' yao" yham we' yao: qo" gu: alhab' re gam: sho' khyae kyae" to: va" mangaid: i"? Yao" zaui: mau" zo" re nao min byid: mung: yao nung: mae" dadu gug' nyhug' jham wa myid gye, mae11
gyai myo: laug: lo veko" ra". – Ana" kam" wa AsAng: lo, re yheim" qang: ke' mung: yao" jo, nho" dai kham alhab' re the' zao" thaung: byid' re yao: wa ni" myo, qao: tae mae yao: nao re shepye' pye' li" nae" ga:12
Mo"so re mho: ra". – Alao" AsAng Mo"so re: yao" jo, nho" dai kham alhab' wa ni" lo, mae ngaid: ra". Yao" gaung re za: daye: the' tin: ga: Mo"so mho lao" satain: AsAng Mo"so jhao" mae" thug' lo" ra".13
Dane; ne, mae Yoba' yao: zo: tao ho' wa mao: mo" yham mae zo: mung: sabyi'14
qang: shaug' na ko" au: mae – Yoba' jhao" logyo: dayaug joe" li" mung: nung: jaung jham yothaung: phaug' na mung: myao: mo" jham wa mhin: lhae: zo" na ko"15
au: – Sheba' amyu" zo: qe joe" li" mung: gug' nyhug' jham re li" keim" lo" veko". Lhaug' zaung" mo, re re: shae: yang se' pye' veko" , ngo dayaug za: loe, mung: asang16
re lau shid' ru ngaid: ga: mho: ra". – Ai re" ru: lau shid' na au: getau dayaug li" lo mung: mug: gaung mae" Mo"so: myi: joe" gyo" li" yang: yao jham we' lhaug' zaung" mo, alhab' nga" jeim: veko" , ngo dayaug za: dang mung: asang re lau li" shid' ru17
ngaid: . – Ai re" ru: jho" ta" na: au: getau dayaug wa li" mung: Khalade" gye qe, sam qe, li" mung: ma dae myao: jham li" keim" pyaung" lo" veko" , zaung" lhaug' mo, re re: shae: yang se' mung: ngo dayaug za: dang yang: asang re lau dao: li" kyo" ru18
ngaid: ga: mho: ra". – Ai re" ru: jho" zhao: kyo" na: au: getau dayaug joe" li" mung: asang: zolau: zomyi: jham wa mao: mo" yham mae zo: mung: sabyi' qang: shaug'19
yang: na: bam ko" au: mae – Seyo khyo" la qam" hug' lo mung: yham re lo: hug' zao" yang: yao: bam re yham: yang gyoe; nhai" mung: shid veko" ra", ngo dayaug za: loe, mung: asang re lau dao: li" zhao: kyo" ru ngaid: ga: mho: ra".20
Alao" Yoba' wa to" ye; li" mung: yao" bau: re lao" caid' ra". Xae re re: qaug: pye' mung: myid mae goe; gam" mung: bin: pa" kug' lao" ngo wa gaung cin dam: myhi" aung mae" thug' li" va".21
Ana" gaung lam: sho pyaid' myhi" aung khyo dam: vao nae". AsAng Mo"so byid: yang: AsAng Mo"so dam: qab: lo" va". AsAng Mo"so: mang khyao: wa nga: lho"22
na shao: wo" ga" caung" ra". – Yoba' ceru: thaung" qhug' ngaid yang: re: mashaid' manghung: . Mo"so re re: qobo mavhin ngaid: ra".