1 Dam: dalhang Mo"so: zo: dau qe yao: yao" gaung re AsAng we' yena: qhu" nae" ba na ayo, joe" au: satain: re: yao: bam we' daga" bocao: vao ye" ra".2 Alao" AsAng Mo"so wa satain: re nao khai: khyi" mae" li" lo: i"? ga: AsAng myid' re myid gaung: dao khyi" khao: ngo" lae" lhang: qin" ru mae" joe" li" lo: ga: tau"3 ra". – AsAng Mo"so re: nga" jeim Yoba' re the' myao va" i"? Mug: myid: dao mae yao: we' dau: ru dayaug re: mana. Dang main: jab byang" ra" yaug , Mo"so re ba: gyaug phug' ra" yaug , magai: ave, re jao" ra" yaug ngaid: ra". Akhyo: majo: ru yao: re phyo' qheim" nae" tau: nao Ngo re jhain: qere: yao: wa dang main" ru re nhag' taui" na:4 ga: satain: re mho: ra". – Satain: re: shoqid mae shoqid ga" ru we' dakhyo: byu wa yao: yao" kao so' tau: yao: yao" jo, nho"5 dai kham alhab' re byid' li" nae". – Ana" dalhang AsAng: lo, yheim" qang: ke' mung: yao" shoqug: shoqae we' gaung sho: re the' zao" thaung" qu" re yao: wa ni" myo, qao: tae mae AsAng re shepye' pye' li" nae" ga:6 Mo"so re dam: tau" ra". – Yao: wa ni" lo, khug mae ngaid: ra". Yao" kao so' re za: lhoe' to: wa, ga: satain: re mho: ra".7 Alao" satain: wa thug' ye" lo" mung: Yoba' khyid vo: mae" ru au: gaung: joe"8 sho' byang jhin to" nhao: ra". – Yoba' wa yao" gaung re kyin nae" tau: ug' je; re yu mung: myiqe; thao mae zaung: na: jo;9 ra". – Alao" yham sang myhi" wa nao wa ni" dang main" ru re nhag' taui" na shi" i"? Mo"so re shelhaui" pye' mung: shid se, ga:10 mho: ra". – Yoba' wa makhyang: mashab: ra" myiqe: ta" ko" ru we' dakhyo: nao ta" ra". Khoru: i"? ein: re nyhao: nhaung" wa Mo"so: lo, mae" na gai yaug yo: ru qo" khae: yu: ru ngaid mung: qug: khai: kyi" khyag' re magai: khae: yu zai i"? ga: mho: ra". Yoba' ceru: no phyo: qug: khai: phau" na qe re: nhaid' yang lao" mashaid' ngaid: ra".11 Yoba; ba nam sang: cao: qe wa Temain: amyu" Elipha, Shu-a: amyu" Bildaid' , Nemaid' amyu" Zopha' sam yaug wa Yoba' mae thaung" qhug' ra" qug: khai" akhyo re the' gyo: ko" mung: Yoba' we' daga" no kyang: kyang: mung: yao: re nhag' tang" byid: nae" tau: jho" dang: to" ra" ba na ayo, mae yao: yao" na jao: mae"12 joe" li" ko" ra". – Ai bam wa va: mae" tau: nghao" qu" mung: Yoba' re myao ngaid qere: maba: se" mung: thoe mo" we' gyi: ngug ko" ra". Yaug nge, yao: yao" mai bau: lao" caid' pye' mung: phaui: lhug re gag: yu yang: yao: yao" au: dao mae gag: gyain: ko"13 ra". – Nhaid' ba lam: lam: Yoba' we' daga" myid dao mae zaung mung: yao: gyai yao: khyag' qhui" ru re myao: ba yang: khag' re: dao: majhau lo: na: bam ko" ra".