1 Alao" Yoba' wa AsAng re dam: tau" ru wa ,2 AsAng wa alhab' re qo" kaid' mung: AsAng kaid' ra" mau" re tam" kyo" cang mabo ein: ru re ngo ba: ra".3 Juyi khyug' ra" akhyo re nhag' magyang: lo: lhau: phyo' ru wa khag' i"? Ngo matho' ba: ra" mug' pho" mau" re ngo the' ta" venhaung wo".4 Tae" gyo: byid: la, wo". Ngo dao: ta" nae". Ngo dao: myid: nae". Ngo re mho"5 shid' la, . – Ngo wa ni" akhyo re no: khye' yang gyo" qu" va". Ana" kam" wa nga" myo; yang yao: nao re the' myao va".6 Ai mung: ngo yao" gaung re ngo yao: ca' pye' kyi: va". Phaui: lhug bam" mae we' myiqe; thao mae zaung: jo, mung: naung myid qo" kyi: va" ga: mho: ra".7 AsAng wa ai re" ru: Yoba' re bin: mho: kyo: lao" Temain: amyu" Elipha' re re: nao we' ni" byin cao: shid' yaug re Ngo nhag' qu" yo" ra". Khoru: ein: re Nga" jeim Yoba' wa Nga" akhyo re jo main: ra" khyo" ta" ru we' dakhyo: naonhaung" mata" ko".8 Ai mung: nung: jaung lo: nhaid' dau: , yao lo: nhaid' dau: re she yang: Nga" jeim Yoba' jhao" ye: mung: naonhaung" tau: phaid' ngaui" xeim: caung da" ge, . Nga" jeim Yoba' wa naonhaung" tau: jhaung: mho' shao: . Yao" myo, khung: re Ngo tau byid: nae". Mangaid re Nga" jeim Yoba' wa Nga" akhyo jo main: za: ta" ru ru: naon- haung" mata" ko" qobo we' main: qi" ra"9 qobo dae Ngo byid: nae" ga: mho: ra". – Ai re" ru: AsAng pin: ru we' dakhyo: Temain: amyu" Elipha' , Shu-a: amyu" Bildaid' , Nemain: amyu" Zopha' ye: mung: caung da" ko" ra". AsAng re: Yoba' myo, nho re tau byid' ra".10 Yoba' wa yao" byin cao: qe: tau: jhaung: mho' bin lao" yao: phau" na: qug: khai: kyi" khyag' re AsAng qab: pye' byid' ra". Ai za: maka" qhid' phyao: mae" tho' mae shid'11 bun: jo, nho" dai kham re byid' ra". – Alao" yao" mao: nhaung: qe yao: nhae: mo" qe alhab' yao: jhao" zang" ham: li" mung: yao" yham mae yao: we' daga" zo: shaug' ko" ra". AsAng yao: re phau: nhao: ra" qug: khai: kyi" khyag' re myid: beim: mung: yao: re nhag' ceim" tang" ko" ra". Ai bam re: dayaug ngaui dakye' kye' we' no: xaui: dalam: lam: byid: ko" ra".12 Ai re" ru: AsAng wa Yoba' re gau: thao" lao: mae qhid' phyao: tho' je mung: min byid' ra". Yao: wa yao datug: byid taung , ma dae myao: khyaug' taung , nung: jaung lo: azam" dataung , myao: mo" dataung13 qo" ra". – Yao: zo: yaug gai zo: nhaid' yaug we' myiqe: zo: sam yaug re dam:14 khau: ra". – Sao qhid' khau: ra" myiqe: nau" mang wa Yemima: , shid' yaug ein: yaug wa Kesia , sam yaug ein: yaug wa15 Karen: hapug' ga: mang: ra". – Damang" geim" mae Yoba' yao: zo: qe re" ru dayaug re: mana ngaid: ra". Yao: pho" re: mao: nhaung: qe we' daga" yao: nhae tao ho' re dano" daqi" za: Ma jo, nho" dai kham gae16 byid' ra". – Ai: thao Yoba' wa dayo: byid xe zin kao daui mung: yao" zo: dau , myid: zo:17 myid: kai: jham re myao co' mung: – Ai: thao Yoba' wa mao: zo: kao ga" mung: na: lai: lo" ra".