Yoba'-36

(SHAO GYANG" JHAM: PAUG' )

切换到福音影视网-新版圣经

  • 1 Dam: Elihu: xo' ta" shi" ru wa-
  • 2 Ngo re zang: qhao" byid: shi: gela, . Mo"so: akhyo ngo ta" kyo: nae" bo shi".
  • 3 Ngo wa mug: va: mae" laba lajhao juyi re ci: li" nae". Ngo re phain: ra" Mo"so dang main" ru re caung: khin" nae".
  • 4 Gai gai: yao: madang main" dao: re ngo mata". Juyi laba lajhao jab: ru wa nao mae ngaid: .
  • 5 Mo"so wa phung bao qi" ra". Ngaid qere: khag' re re: maqu" mageim makaid'. Yao: wa kheim: so' qam: o: we' ba jhao se" ru mae qi" qhang: ra".
  • 6 Yao: wa tarha" macao" ra" mo; kao re maqu" gam ngaid: ra". Aqug: aqae" thaung" qhug' na: ra" mo; shaid' mae tarha" dao:
  • 7 phyid' ra". – Dang main" ra" mo, re maqu" gam: ru mangaid: . Yao: bam nga: yhe' tau: to' ru qhug' sho' jhaung zug: qe we' daga" la kin mae zaung nhao: ra".
  • 8 Yao: bam wa jao co" yang taui" to: qhug' mung: qug: khai: ga" ra" taui" yang taui" to" ru qhug' re-
  • 9 Yao: wa yao: bam zai" shaid' ra" qobo mau" we' yao: bam: nhag' myid qi" qao: ru re ceim" shid' ra".
  • 10 Mho" shid' dao: nug: gyo: nae" nhag' myid ke' byid: mung: yug: no qobo re ba: lha" nae" khang" to: byid: ra".
  • 11 Yao: bam tae" gyo: mung: yao: re caung da" ko" re yao: bam na pyo: ye, pyo" mung: yao: bam: ba na ayo, re na: lhai: ke' zai ngaid ko" ra".
  • 12 Matae" gyo: ko" ngaid: re shae gye mae thao" mung: juyi laba lajhao au: naug: sozo: madu" ru kao gyo" genae" myhao: .
  • 13 Mashab makhyang" nhag' myid bo mo, nhag' yo" ru re qaung" to: ba ko" ra". Myag: taui" ru qhug' ra" au: mazag: gyi: hug' ko" ngaid: ra".
  • 14 Kao ngai shi" yo, mae" yao: bam ashid ngaid ko" ra". Mashao malho" mo, we' daga" gain: thao" lo" ba: ra".
  • 15 Yao: wa sho: jhin mo, qug: khai: qhug' ra" au: khyi: yu: ra". Khang: nhau: be, khyaid' qhug' ra" au: mae yao: tae" gyo: nae" no: khye' re phung" byid' ra".
  • 16 Ai ru: nao re qug: qae" ru we' lhae" jhe' ra" jo, qo mae" gelin: gego: sho' sho' gyao: gyao" ra" jao: khyo qui: nhao mung: ni" zo bo" mae to" to" ra" zo: pho: wa cug myho' ru za: ngaid: li" nae".
  • 17 Mangaid: lao" tarha" macao" ra" yaug re" ru: qobo byang" vin" ngaid: re qobo we' main: qi" ra" dae phau" li" nae".
  • 18 Nao nhag' lam: laung nae" qhug' re nhag' yo" ra" myo, khung: maci: qhu" nae" lha" wa, . Nao qi" ra" aphug' byid: ngaid qere: yao: yao" gaung re maqo" khyi: yu nae".
  • 19 Ni" jo, nho" dai kham re pe" shui nho nae" mangaid: . Hhang re re: myo: sho' ra" zai yo jham re byid: nug ngaid qere: yhin" yu nae" mangaid: .
  • 20 Myi" re danhag' nghae: . Myi" ayo, mae byu qe wa qab: pye' ru qhug' ba: ra". Lha"
  • 21 wa, . – Magai makhe' ru re data" thug'. Nao wa myaung sho: tho' mae ai: akhyo re je: myid: o: ra".
  • 22 Mo"so yao" kheim: so' qam: o" yang myhao: thao" ra" mau" re zaui" na: ra". Yao: re" ru: qo" ug: nae" ru khag' ngaid: ra".
  • 23 Yao: ye" lo" nae" khyo dang re khoyaug nyhang" to" i"? Nao shaid' ava" ga: khoyaug qo" ta" genae" i"? Mo"so: Kheim: So' Qam: O: Re Elihu: Ta" Sho' Kyo" Ru
  • 24 Yao" mau" zo" re nga: yhe' nae" beim: so: wa, . Byumyu" cao jab wa yao" mau" re myao ko" ra".
  • 25 Byu qe ai: akhyo re zhaug' qu" veko" ra". Byu xaosu jham va: va: mae" mung: ai re qu" myao veko".
  • 26 Mo"so wa qi: qhang: ru mung: ngon- haung" yao: maba: bam. Yao: kao zin na khoqhang" ngaid: ru re khag' maqo" ca: yu ngaid: ra".
  • 27 Yao: wa qid zo, jham re lao" to' yu mung: ai jham wa yao" qid ngaui" mae" mug: ce' gyo" ra".
  • 28 Nhag' qhid' thaui: mae" byu: dao khyo mug: ce' gyo" mung: mug: mo" thaui: qu: gyo" ba: ra".
  • 29 Nhag' qhid' kheim: byo: sin" ru , yao" seim zaung mae" mug: dam: thoe khoyaug qo" ba nae" i"?
  • 30 Yao" seim zaung dao mae bo" bao theim" pao: ke' ra". No; thao" ra" qid dae mo" jo, qo re re: nghoe' gam: to" ra".
  • 31 Ai ru" ra" khyo" yang byu jham tarha" dao: phyid' ra". Zo: pho: shaug' pho: re re: masheim: pe' go" byid' ra".
  • 32 Yao" lo; yang lhe' caid' re zhab' ci mung: gyevo jham jhao" nhao: ke' ra".
  • 33 Yao: mug: dam: dam" ru wa yao" akhyo re ceim" shid' na: ra". Gug' nyhug' gug' du: jham lao" re: yao: do, lo" ra" gau: khyo re ba se" ko" ra".
回到本卷目录 回到本版本目录 回到首页