1 Elihu: dam: xo' ta" ru wa-2 Mo"so tho' mae je: dang main" ga: nao ta" ra" dao: wa jo main: nae" jho: i"? Ngo wa pe" nam: so' ha" qo" nae" i"?3 Qobo makaid' lo: na: re pe" jeju so' ha" qo" nae" i"?4 Nao we' ni" byin cao: qe: dao: kheim: re ngo dam: ta" phyid nae".5 Mug: gaung khyo tau: nghao" qu" mung: nao tho' je: myhao: ra" jham thaui: re zhaug' qu" qu" wa, .6 Nao qobo kaid' ngaid qere: Mo"so re khoru: gai: the' zao" nae" i"? Nao tau: lhain" ra" mau" myo: ngaid qere: Mo"so re pe" qo" kaid' nae" i"?7 Nao dang main: ngaid qere: Mo"so re pe" qo" byid: zai i"? Ni" lo, mae" pe" jhaung qhu" qo" khae: yu zai i"?8 Nao kaid' shaid' ra" qobo dae re nao ru: dau: ra" mo, re za: zao" li" nae". Nao dang main" ru wa xaosu qere za: jeju joe" nae".9 Qug: khai: yhin" pyam" phau" na mo, wa zag: hug' ba: ako". Qam: o: bo yaug yhin" pyam" ra" mathao mae qi: sho' zag: hug' yao ko" ra".10 Ngaid qere: ngonhaung" re phain: to: nhaung: ru. Myi" mae nghaui" caung: nae" ayo, byid: venhaung.11 Mug: myid dao mae" gug' nyhug' gug: du: jham tho' ngonhaung" re je: ba: gyo: nhao mung: mug: le; phyo: mae" ngho' jham tho' mae ngonhaung" juyi je: byid' ra" yaug nga" khau myhung phain: phaug' AsAng wa khai: mae na: i"? ga: lao" mamyid: ko".12 Ai: mathao mae yao: bam zag: hug' gengaid yang: re: ngaid beim" ra" mo; mathao yao: bam re tau: byid: nae" Mo"so mana.13 Gai gai: yao: Mo"so wa dao: seim re matae" gyo: byid:. Qam: mo" bo: ra" Mo"so wa ai ru" dao: re pe" shui manho ngaid: ra".14 Nao wa Mo"so re ngo mathe' myao ga: mho ngaid qere: tarha" din" ra" khyo" dao: phyid' ra" ru mung: nhag' nghae: yang: na wa,.15 Ana" kam" nhag' gyid' ru: yang dae mabyid: . Shaid' nghung" ra" qobo re gyai yao: mamyid: ra" mathao mae ,16 Yoba' wa dao: seim dao keim za: jhau: ra". Juyi laba lajhao mabo: ru dao: myo: jhau: ra" ga: mho: ra".