Yoba'-26

(SHAO GYANG" JHAM: PAUG' )

切换到福音影视网-新版圣经

  • 1 Yoba' dam: tau: mung: mho: ru
  • 2 wa , – Nao wa qam: nang" ra" yaug re khoru: bao" thaug' qu" i"? Pyain" nhe' byaug va" lo, re khoru: tau: to' qu" i"?
  • 3 Makhyang" ra" yaug re khoru: juyi byid' qu" i"? Gekai: lai: nyain: juyi re khoru: kaid' qhu" qu" i"?
  • 4 Ce: dao: kheim: khag' re qang yang: ta" i"? Khoyaug: solo qam: o: khyo" ta" i"?
  • 5 Mang: khung: na mo, wa qid khug mae ai: mae na mo, we' daga" gyaug: nin" ko" ra".
  • 6 Movo: mug: wa yao" qhid' kheim: mae phung" to: gau ngaid: ra". No; thao" ra" Abaddon mang: myidsao: dung: mae anghoe' ma bo ngaid: ra".
  • 7 Qid meim shaid' mae sho' sho' gyao: gyao: lao" khao" to" ra". Mug: myid re ale; phyao: mae taui" lao" to" ra".
  • 8 Yao: wa jham no; thaui: mae qid re jhab' zhang: ci mung: jham no, thaui: wa go; sin" lo" ru mangaid: .
  • 9 Jham thaui: re lao" khao: mung: yao" la kin re nghoe' to" ra".
  • 10 Mug: bo" we' mug: caid' jho" te' ra" jo, qo mae joe" sho' qid moe bug jham: jo, qo akyo to" to" ra".
  • 11 Mug: gaung: zang jham wa laui" nain" na mung: yao: zai" nhai" ra" mathao: yang mug' mo; byaug ko" ra".
  • 12 Yao" qam: o: khyo" qid dae mo" lhaui" nhain" mung: yao" juyi khyo" yang la qam" re nag: khyug' pye' ra".
  • 13 Solo khyo" yang mug: gaung: zai yo jham re nyhang" to: mung: yao: wa phyaid: thao" ra" mao jaung: re re: phain: to" ra".
  • 14 Ce ru wa yao" boe" khyao dajhid' dathao za: angaid shi". Yao" akhyo dajhid' dathao za: ngonhaung" athe' gyo: shi". Yao: kheim: so' qam: o: re khoyaug tho' ba: gyo: nae" i"? ga: mho: ra".
回到本卷目录 回到本版本目录 回到首页